استانالىق زاعيپ ءجاسوسپىرىم مەنتالدى اريفمەتيكا بويىنشا ISMA-2019 حالىقارالىق وليمپياداسىندا سۋپەرچەمپيون كۋبوگىن جەڭىپ الدى. ورتالىقتا وقىعان كەزىندە ابىلاي مۇستافين اۋديو جازباداعى ماتەريالداردى برايل قارپىنە اۋدارۋمەن اينالىسىپتى دەپ جازادى Qamshy.kz اقپارات اگەنتتىگى sputniknews.kz  سايتىنىڭ دەرەگىن نەگىزگە الىپ. 

"بالا وزگەلەرمەن تەڭ دارەجەدە وليمپياداعا قاتىستى. ول مەتوديكا اۆتورى گۇلجان بەردىبەكوۆاعا اكادەميالىق ماتەريالداردى كوزى ناشار كورەتىن جانە زاعيپ جاندارعا ارنالعان قارىپكە اۋدارۋ تۋرالى وي تاستاعان بولاتىن"، - دەپ حابارلايدى ISMA ورتالىعى.

شارا استانادا 8 ناۋرىزدا وتكەن. وليمپياداعا بارلىعى 559 وقۋشى قاتىسىپتى. تۋرنيرگە الەمنىڭ التى ەلىندەگى وقۋ ورتالىقتارىنىڭ ماماندارى تورەلىك ەتتى. وليمپيادا 11 اكادەميالىق دەڭگەي جانە 5 بىردەي جاس كاتەگورياسى بويىنشا وتكەن. جارىس قورىتىندىسىنا سايكەس 43 قاتىسۋشى كۋبوك جانە سۋپەرچەمپيون تيتۋلىن يەلەنىپ، 96 ادام چەمپيون كۋبوگىن جەڭىپ الدى، قالعاندارى ءبىرىنشى، ەكىنشى جانە ءۇشىنشى ورىندار العان.

وليمپيادانى رەسەي، وزبەكستان، ازەربايجان، بەلارۋس جانە قىرعىزستاننىڭ توتەنشە جانە ۋاكىلەتتى ەلشىلەرى كەلىپ كوردى.

ەسكە سالا كەتسەك، بۇدان بۇرىن اقتاۋ قالاسىنان شىققان 12 جاستاعى ورىنگۇل ارىستان مەنتالدى اريفمەتيكادان الەمدىك رەكورد ورناتقان كوماندانىڭ قۇرامىندا بولعان ەدى. جارىس رەسەيدە ەكىنشى ەۋرازيالىق ايەلدەر فورۋمى اياسىندا ءوتىپ، وعان دۇنيە ءجۇزىنىڭ تۇكپىر-تۇكپىرىنەن 150 وقۋشى قىز قاتىسقان بولاتىن. بالالار 26 مينۋت 26 سەكۋند 12 ميلليسەكۋندتا 30 مىڭ ەسەپ شەشتى.

ۇسىنعان: اسەل بولات قىزى