وسىلايشا، قازاقستاندىق سپورتشى كاسىپقوي بوكستاعى التىنشى جەڭىسىنە قول جەتكىزدى. قازاقستاندىق بوكسشى دانيار ەلەۋسىنوۆ (5-0، 3 كو) اقش-تا كاسىپقوي رينگتە التىنشى جەكپە-جەگىن وتكىزدى، دەپ حابارلايدى Qamshy.kz اقپارات اگەنتتىگى Sports.kz سايتىنا سىلتەمە جاساپ. 

وتانداسىمىز فيلادەلفياداعى (اقش، پەنسيلۆانيا شتاتى) Liacouras Center ارەناسىندا وتكەن بوكس كەشىندە جۇدىرىقتاستى. ەلەۋسىنوۆ جارتىلاي ورتا سالماقتا 36 جاستاعى مەكسيكالىق سيلۆەريو ورتيسپەن (37-23، 18 كو) قولعاپ ءتۇيىستىردى.سەگىز راۋندتىق جەكپە-جەك سوڭىنا دەيىن سوزىلدى. ەلەۋسىنوۆ قارسىلاسىن تورەشىلەردىڭ شەشىمى بويىنشا ۇپاي سانىمەن جەڭدى.

وسىلايشا، قازاقستاندىق سپورتشى كاسىپقوي بوكستاعى التىنشى جەڭىسىنە قول جەتكىزىپ وتىر، ونىڭ ۇشەۋى – نوكاۋتپەن. ال ورتيس ءۇشىن بۇل سپورتتىق مانسابىنداعى 24ء-شى جەڭىلىس.

ەلەۋسىنوۆ كاسىپقوي رينگكە العاش رەت وتكەن جىلدىڭ ساۋىرىندە شىققان بولاتىن.

ۇسىنعان: ماقپال سەمباي