استانادا عيماراتتاردىڭ بىرىندە گاز باللونى جارىلىپ، ءۇيىندى استىنان ايەلدىڭ ءمايىتى تابىلدى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ.
توتەنشە جاعدايلار كوميتەتىنىڭ باسپا ءسوز قىزمەتىنەن مالىمدەگەندەي، ايەلدىڭ دەنەسى سەنبىگە قاراعان ءتۇنى ساعات 01:18-دە تابىلعان.
بۇعان دەيىن عيماراتتىڭ ىشىندە ورنالاسقان كاسىپورىننىڭ ەسەپشىسى ءۇيىندى استىندا قالۋى مۇمكىن ەكەنى حابارلانعان بولاتىن.
ەسكە سالا كەتسەك، كەشە ساعات 17:06-دا الاش تاس جولىنداعى "مولپرودۋكتسەرۆيس" كومپانياسىنىڭ عيماراتىندا گاز باللونى جارىلدى. سالدارىنان ءبىرىنشى جانە ەكىنشى قاباتتاردىڭ اراسى وپىرىلىپ تۇسكەن.
پىكىر قالدىرۋ