15 ناۋرىزدا قازاقستان پرەزيدەنتى نۇرسۇلتان نازاربايەۆ كرايسچەرچ قالاسىنداعى ەكى مەشىتتە بولعان قايعىلى وقيعاعا بايلانىستى جاڭا زەلانديانىڭ گەنەرال-گۋبەرناتورى پەتسي رەدديگە كوڭىل ايتۋ جەدەلحاتىن جولدادى دەپ حابارلادى Qamshy.kz اقپارات اگەنتتىگى اقوردا سايتىنىڭ دەرەگىن نەگىزگە الىپ. جۇما كۇنى بولعان شابۋىلدان 49 ادام كوز جۇمعان.
"ءبىز جاھاندىق قاۋىپسىزدىك پەن بەيبىتشىلىككە قاتەر توندىرەتىن تەرروريزم مەن ەكسترەميزمنىڭ كەز كەلگەن ءتۇرىن قاتاڭ ايىپتايمىز. قازاقستان ەلدەرىمىزدىڭ بەيبىت ءومىرى مەن قاۋىپسىزدىگىن قامتاماسىز ەتۋ ءۇشىن قازىرگى زاماننىڭ قاۋىپ-قاتەرلەرىنە قارسى ىنتىماقتاستىقتى جالعاستىرۋعا ءارقاشان دايىن" دەلىنگەن جەدەلحاتتا.
ۇسىنعان: اسەل بولات قىزى
پىكىر قالدىرۋ