گۇلجان قاراقۇسوۆانىڭ باسى تاعى دا داۋعا قالدى. ەستەرىڭىزگە سالا كەتسەك پارلامەنت جيىنىندا ءماجىلىس دەپۋتاتى گۇلجان قاراقۇسوۆا قارتتارعا ارنالعان كووپەراتيۆتەر سالۋدى ۇسىنعان بولاتىن. ايتۋىنشا، ول قارتتار ءۇيى سەكىلدى بولمايدى.
"ءبىز قاريالارعا ارنالعان ۇيلەر سالۋىمىز كەرەك، ەرتەڭ قارتايعاندا ءوزىمىز بالالارعا كەدەرگى كەلتىرمەي سول جەرگە بارىپ تۇرامىز. ول قازىرگىدەي قارتتار ءۇيى سياقتى ەمەس، ءوزىمىزدىڭ جەكە كووپەراتيۆ بولادى. ەندى بىرنەشە جىلدان كەيىن كورەسىزدەر، تاتيانا ميحايلوۆنا دا (قارجى ۆيسە-مينيسترى)، تاتيانا يۆانوۆنا دا (ءماجىلىس دەپۋتاتى)، مەن دە سول جەرگە بارىپ تۇرامىز»، - دەپ مالىمدەگەن ءمينيستردىڭ سوزىنە كۇلە قاراعاندار كوپ بولدى. وسىعان بايلانىستى سەرىك ابىكەن ۇلى دا Facebook پاراقشاسىندا پىكىر ءبىلدىردى دەپ حابارلايدى Qamshy.kz اقپارات اگەنتتىگى.
"گۋلجان اپام قىزىق-قىزىق وي ايتادى وسى. ايتقاندا دا ويى دۇرىس، ال ءسوزى بۇرىس. بىردەڭە ويلاپ، بىردەڭە ايتا سالادى. بۇرىن قازاقشاسىنا كۇلۋشى ەدىم، ەندى ورىسشاسى ودان وزىپ تۇرماعانىن بايقاعاندايمىن. قويشى، ايتەۋىر، اپام قارتتارعا ارنالعان كووپەراتيۆ اشۋدى ۇسىنىپتى. سويتەدى دە: ەندى بىرنەشە جىلدا تاتيانا ميحايل قىزى (قارجى ۆيسە-مينيسترى ساۆەليەۆا)، تاتيانا يۆان قىزى (ءماجىلىس دەپۋتاتى ياكوۆليەۆا) ۇشەۋمىز سونداي ۇيگە بارىپ تۇرامىز، بالالارعا "مەشايت" ەتپەيمىز، - دەيدى. گۋلجان اپام ءاءلى جاس، كەلەر جىلى نەبارى 70-كە تولادى. ءۇي سالىنىپ، كووپەراتيۆ اشىلىپ بولعانشا تاعى ءبىر ون جىل وتەر، سوعان دەيىن ارمانى جۇزەگە اسىپ، ءار قاريا ميلليون تەڭگە زەينەتاقى الاتىنداي ەتسە جاقسى ەدى. ويتكەنى، اپام كووپەراتيۆ تابالدىرىعىنان اتتاعان كەزدە "سەناتو-ماجىلىس" مەتاللۋرگيا كومبيناتىندا ماڭدايدان تەرى شۇمەكتەپ، تاناۋدان بۋى بۇرقىراپ جۇمىس ىستەپ جاتقان ازاماتتاردىڭ ءبىرازى ىلەسە بارارى انىق. ەل ءۇشىن كۇندىز كۇلمەي، تۇندە كىرپىك ىلمەي قىزمەت ەتكەن ونداي ارداقتىلار ەل قاتارلى ەلۋ-الپىس مىڭدىق زەينەتاقىعا تەلمىرسە وبال عوي. اۋىر جۇمىس ىستەگەن ادامنىڭ تابەتى جاقسى بولادى، اسقازاندارى تاس قورىتادى، ولارعا ەلۋ مىڭ ۇسىنساڭ قازانداعى كوجەگە وجاۋ ماتىرىپ ادەتتەنگەن ادامعا ءشاي قاسىق ۇستاتقانداي بولاسىڭ. اشتان ولەدى. اپام الىستان ويلايدى، مۇنىڭ دا ءبىر امالىن تابار..." - دەپ جازادى سەرىك ابىكەن ۇلى.
سەرىك ابىكەن ۇلىنىڭ Facebook پاراقشاسىنان
ۇسىنعان: فاريزا جومارت قىزى
پىكىر قالدىرۋ