قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن جانە تۇركىستان وبلىسىنىڭ اكىمى ءو.شوكەيەۆتىڭ وكىمىمەن تۇركىستان وبلىسى اكىمىنىڭ ورىنباسارى بولىپ مىرزالييەۆ مەيىرجان ياباي ۇلى تاعايىندالدى. بۇل تۋرالى تۇركىستان وبلىسى اكىمىنىڭ باسپا ءسوز قىزمەتى اقپارات تاراتتى.

مەيىرجان ياباي ۇلى 1980 جىلى تۋعان.

ءبىلىمى: قازاق مەملەكەتتىك زاڭ ۋنيۆەرسيتەتى (1998-2002) زاڭگەر، لومونوسوۆ ات. ماسكەۋ مەملەكەتتىك ۋنيۆەرسيتەتى (2005-2006) ەكونوميست، ق ر پرەزيدەنتى جانىنداعى مەملەكەتتىك باسقارۋ اكادەمياسى (2010-2011)، ديۋك ۋنيۆەرسيتەتى (اقش، دارەم 2014-2016) – حالىقارالىق ساياسات ماگيسترى.

ەڭبەك ءوتىلى:

الماتى قالاسىنىڭ اكىمدىگى: قۇرىلىس باسقارماسىنىڭ باس مامانى (2003-2005)؛ زاڭ جانە اكىمشىلىك ءبولىمىنىڭ باستىعى (2005-2007) ؛

ق ر پرەمەر-مينيستر كەڭسەسى: يندۋستريالدىق-يننوۆاسيالىق دامۋ ءبولىمىنىڭ باس ساراپشىسى (2008-2009)؛ بيزنەس-ورتا جانە يننوۆاسيا سەكتورىنىڭ مەڭگەرۋشىسى (2009-2011)؛ مەملەكەتتىك رەتتەۋ سەكتورىنىڭ مەڭگەرۋشىسى (2011-2013)

دۇنيەجۇزىلىك بانكتىڭ حالىقارالىق قارجىلىق كورپوراسياسى (IFC) (ۆاشينگتون ق.، اقش): اۋىل شارۋاشىلىعىنداعى بيزنەستى دامىتۋ بويىنشا ىس-تاجىريبە (2015)

ق ر پرەمەر-مينيستر كەڭسەسى: پرەمەر-مينيستردىڭ ءبىرىنشى ورىنباسارىنىڭ كەڭەسشىسى (2016)، پرەمەر-مينيستردىڭ كەڭەسشىسى (2017).

قوستاناي وبلىسىنىڭ اكىمدىگى: 2017 جىلدىڭ قاڭتار ايىنان باستاپ وبلىس اكىمىنىڭ ورىنباسارى قىزمەتىن اتقارىپ كەلگەن.

قازاق، ورىس، اعىلشىن تىلدەرىندە ەركىن سويلەيدى.

ۇيلەنگەن، 2 ۇل، 2 قىز تاربيەلەۋدە.