مەكسيكانىڭ اكاپۋلكو قالاسىندا بالا يسا ءمۇسىنىنىڭ كوزىنەن قان اققان. تۇرعىندار بۇل وقيعانى ەلدەگى جاپپاي ادام ادام ولىمىمىەن بايلانىستىردى.

بالا ءمۇسىنىنىڭ كوزىنەن اققان قاندى تۇرعىندار ۆيدەوعا دا ءتۇسىرىپ العان.

شىركەۋ قىزمەتكەرلەرى مەن ءدىندارلار ەرەكشە جاعدايدىڭ سەبەبىن انىقتاۋعا تىرىسىپ جاتىر.

تۇرعىندار جەكەمەنشىك ءۇيدىڭ بىرىندە ورنالاسقان بۇل ءمۇسىننىڭ ءجيى جىلايتىنىن ايتادى. جەرگىلىكتى ءدىندارلار مۇنى قۇدايدىڭ بەلگىسى دەپ وتىر. سەبەبى اۋداندا قىلمىس كوبەيىپ بارا جاتقان كورىنەدى.

كۋاگەرلەردىڭ ايتۋىنشا، 2019 جىل باستالعالى ءمۇسىن 4ء-شى رەت جىلاعان.

ەڭ العاش جاڭا جىل تۇنىندە جىلاعان ەكەن.

تۇرعىنداردىڭ ايتۋىنشا، وسىلايشا بالا ءمۇسىن ەلدەگى بەيبەرەكەتسىزدىككە دەگەن نارازىلىعىن ءبىلدىردى. رەسمي ورگانداردىڭ مالىمدەۋىنشە، بۇگىن ءار 100 مىڭ تۇرعىننىڭ 111ء-ى قاستاندىقتىڭ قۇربانى بولىپ وتىر.

«حالىق پىكىرى ەكىگە بولىنگەن. ءبىرى مۇنى شايتاننىڭ قاستاندىعى دەپ سانايدى، ەندى ءبىرى قۇدايدىڭ بەلگىسىنە بالايدى. ءبىز ءبارىن ءوز كوزىمىزبەن كوردىك. ءتىپتى، ءمۇسىن ادامداردى كوزىنشە دە جىلاعان»، - دەدى جەرگىلىكتى تۇرعىن سولەداد ناتيۆيداد فلورەس.

تۇرعىندار ءمۇسىندى شىركەۋگە اپارۋعا قارسى. الايدا شىركەۋ قىزمەتكەرلەرى ءىستىڭ ءمان-جايىن تەكسەرۋ ءۇشىن ءمۇسىننىڭ شىركەۋدە بولعانىن تالاپ ەتىپ وتىر. سەبەبى «مۇنى ادامدار ءوز مۇددەلەرى ءۇشىن پايدالانۋى مۇمكىن» دەيدى ءدىن قىزمەتكەرلەرى. ونىڭ ۇستىنە، مۇسىننەن اققان جاس تا وتىرىك بولۋى عاجاپ ەمەس.

ۇسىنعان: گۇلىم جاقان