قوقىسقا تولى پاتەردەن تابىلعان 5 جاسار ماۋگلي قىز دارىگەرلەرمەن سويلەسىپ، ويناي باستادى دەپ جازادى Qamshy.kz اقپارات اگەنتتىگى سايتىنىڭ دەرەگىن نەگىزگە الىپ. رەسەيلىك جۋرناليستەر ماۋگلي قىزدى ۆيدەوعا ءتۇسىرىپ العان. 

ۆيدەودان كىشكەنتاي قىزدىڭ سۋرەت سالعالى جاتقانىن بايقاۋعا بولادى. ونىڭ ەڭ العاشقى ءسوزى "بۇل - فۋنتيك" بولعان. ماۋگلي قىز مۋلتفيلمدەگى كەيىپكەردى تانىپتى. ول باسقا دا جانۋارلاردىڭ اتاۋىن ايتا الادى، ءبىراق سىبىرلاپ سويلەيدى ەكەن. 

ەسكە سالا كەتسەك، رەسەيدىڭ تەرگەۋ كوميتەتى ماسكەۋدەگى پاتەرلەردىڭ بىرىنەن تابىلعان ماۋگلي قىزدىڭ ۆيدەوسىن جاريالاعان بولاتىن. پاتەردەن تابىلعان قىزدى قۇقىق قورعاۋ ورگاندارىنىڭ وكىلدەرى اۋرۋحاناعا جەتكىزدى. 

تەرگەۋشىلەردىڭ مالىمەتىنشە، پاتەردەگى قىز انورەكسياعا شالدىققان. سونداي-اق، قىزدىڭ اقىل-ويى دامىماي قالعان، جەرگىلىكتى ب ا ق ونى "ماۋگلي" دەپ اتاپ كەتتى.

قوقىسقا تولى پاتەردەن تابىلعان قىزدىڭ اناسى قولعا ءتۇستى، ءقازىر ونى تەرگەۋگە الۋدا. اناسىنىڭ ۇستىنەن «ادام ولتىرمەك بولدى» دەگەن ايىپپەن قىلمىستىق ءىس قوزعالدى.

اۋدارعان: اسەل بولات قىزى