وندىرىستىك ورىندا جاستارمەن كەزدەسكەن اقتوبە وبلىسىنىڭ اكىمى وڭداسىن ورازالين مەملەكەتتىك تىلگە كوپ باسىمدىلىق بەرىلۋ كەرەك ەكەنىن باسا ايتتى دەپ حابارلايدى Qamshy.kz اقپارات اگەنتتىگى.

كاسىپورىندار مەن زاۋىتتارداعى جازبا تاقتايشالارىنىڭ مەملەكەتتىك تىلدە جازىلماۋىن سىنعا العان وبلىس اكىمى ەڭ ءبىرىنشى ورتانى تاربيەلەۋ كەرەك ەكەنىن جەتكىزدى.

«باسقا جينالىستاردى مەملەكەتتىك تىلدە جۇرگىزسەك، زاۋىت-فابريكالار مەن جاڭا تەحنولوگياعا كەلگەندە رەسمي تىلمەن سويلەيمىز. ول دا ويلاندىراتىن دۇنيە. ءوندىرىس سالاسىنا كەلگەن كەزدە جاستار مەملەكەتتىك تىلدە سويلەۋى كەرەك. ونى وقۋ ورىندارىندا قالىپتاستىرعان ءجون»، — دەدى اقتوبە وبلىسىنىڭ اكىمى وڭداسىن ورازالين.

«سنپس-اقتوبەمۇنايگاز» اق-ى جۇڭگو باسشىسىنىڭ ەسەبىن اۋدارىپ وتىرعان قىزمەتكەر دە ەسكەرتۋ الدى.

«جۇڭگو ءتىلىن جاقسى مەڭگەرىپ العان ەكەنسىڭ. ءبىراق قازاق ءتىلى جۇڭگو تىلىنەن قيىن ەمەس شىعار؟ قايتا ءوزىڭنىڭ انا ءتىلىڭ. كەلەسىدە اۋدارمانى مەملەكەتتىك تىلدە جۇرگىزسەڭ»، — دەپ تاپسىرما بەردى ءوڭىر باسشىسى.

ۇسىنعان: فاريزا جومارت قىزى