تۇڭعىش پرەزيدەنت نۇرسۇلتان ءابىش ۇلىنىڭ وكىلەتتىلىگىن توقتاتۋى ورىس ۇلتشىلدارىنىڭ دا نازارىنا ىلىكتى. بەلگىلى ورىس جازۋشىسى كونستانتين ششەمەلينين وسى جاعدايعا بايلانىستى پىكىر ءبىلدىردى دەپ حابارلايدى Qamshy.kz اقپارات اگەنتتىگى wek.ru سايتىنىڭ دەرەگىن نەگىزگە الا وتىرىپ. 

قازاقستاندى الداعى ۋاقىتتا نە كۇتىپ تۇر؟ بۇل جاعداي رەسەي مەن قازاقستان اراسىنداعى قارىم-قاتىناسقا قالاي اسەر ەتەدى؟ قازاقستان ۋكراينانىڭ كەبىن كيمەي مە؟ - دەگەن ساۋالدارعا جاۋاپ بەردى كونستانتين ششەمەلينين.

"شاماسى، قازاقستاندا ۇلتشىلدار كوبەيەدى. قازاقتار مەن ورىستاردىڭ اراسىندا قاقتىعىستار ورىن الۋى مۇمكىن.  قازاقستاننىڭ جاڭا ساياساتى رەسەي ساياساتى بويىنشا جۇرەتىن بولادى. سودان كەيىن، بىرتىندەپ ۋكراينانىڭ كەبىن كيە باستايدى. ورىستاردا ۇلتتىق يدەيا جوق. ال،  قازاقستاننىڭ سولتۇستىك وڭىرىندە تۇگەلدەي دەرلىك ورىستار قونىستانعان. سوندىقتان سولتۇستىك قازاقستاندى  لۋگانسك پەن دونەسك رەسپۋبليكالارىنىڭ، ابحازيا جانە وڭتۇستىك وسەتيانىڭ تاعدىرى كۇتىپ تۇر. ال، ورىستاردىڭ ۇلتتىق رۋحى ويانسا، وندا ول بىردەن قىرىمنىڭ كۇيىن كەشەدى.  قازاقستاننىڭ قولىندا بيلىك جوق. ونى ماسكەۋ، ۆاشينگتون جانە پەكين باسقارادى. الداعى ۋاقىتتا رەسەي مەن امەريكانىڭ اراسىندا تالاس باستالادى. ال بۇل جاعدايدا جۇڭگو بەيتاراپ بولادى دا، ۇتقان جاقتىڭ پايداسىن عانا كوزدەيدى."- دەيدى جازۋشى 

ۇسىنعان: فاريزا جومارت قىزى