نۇرسۇلتان نازاربايەۆ پەن قاسىم-جومارت توقايەۆ ۆلاديمير پۋتينمەن سويلەستى، - دەپ حابارلايدى Qamshy.kz اقپارات اگەنتتىگى رەسەي پرەزيدەنتىنىڭ باسپا ءسوز قىزمەتىنە سىلتەمە جاساپ.

ۆلاديمير پۋتين قازاقستاننىڭ تۇڭعىش پرەزيدەنتى، قاۋىپسىزدىك كەڭەسىنىڭ ءتوراعاسى نۇرسۇلتان  نازاربايەۆپەن جانە قازاقستان پرەزيدەنتى قاسىم-جومارت توقايەۆپەن تەلەفون ارقىلى سويلەسكەنى حابارلاندى.

"ۆلاديمير پۋتين ەكى تاراپتىڭ وداقتاستىق قاتىناسىنىڭ دامۋىنا جانە ەۋرازيالىق بىرلەسۋ جوباسىنىڭ ءساتتى جۇزەگە اسۋىنا ۇلكەن ۇلەس قوسقانى ءۇشىن نۇرسۇلتان نازاربايەۆقا العىس ءبىلدىردى. قازاقستاننىڭ تۇڭعىش پرەزيدەنتى ەۋرازيالىق ەكونوميكالىق وداق اياسىندا ارىپتەستىكتى كۇشەيتۋ بويىنشا جۇمىستارعا بەلسەندى قاتىسا بەرەتىنىنە سەنىمدى ەكەنىن ايتتى"، - دەدى كرەملدىڭ باسپا ءسوز قىزمەتى.

رەسەي پرەزيدەنتى قاسىم-جومارت توقايەۆتى پرەزيدەنتتىك قىزمەتىمەن قۇتتىقتاپ، وعان ساتتىلىك تىلەدى.

"ولار الداعى ۋاقىتتا رەسەي مەن قازاقستاننىڭ ارىپتەستىك بايلانىسىنىڭ ودان ءارى تىعىز بولۋىنا جانە جاقىن ارادا قاسىم-جومارت توقايەۆتىڭ رەسەي فەدەراسياسىنا ءىسساپارىن ۇيىمداستىرۋعا كەلىستى"، - دەپ حابارلاندى.

ۇسىنعان: ماقپال سەمباي