بۇگىن ەلباسى الماتى قالاسىنا كەلدى دەپ جازادى Qamshy.kz اقپارات اگەنتتىگى. الماتىلىق جاستار نازاربايەۆتى گۇل شوقتارىمەن كۇتىپ الدى. جاستار تاۋەلسىز قازاقستاننىڭ قالىپتاسۋىنا زور ۇلەس قوسقانى ءۇشىن ەلباسىعا العىسىن ءبىلدىردى. 

اتالمىش ءىس-شاراعا الماتىلىق جوو-نان 2 مىڭعا جۋىق ستۋدەنت قاتىستى. ال ەلباسى بولسا ءوز كەزەگىندە كۇتپەگەن سىي جاساپ، قۇرمەتپەن كۇتىپ العانى ءۇشىن الماتىلىق جاستارعا العىس ءبىلدىردى. 

"مەن ەشقايدا كەتكەن جوقپىن. مەن سەندەرمەن بىرگەمىن. ايتىلعان بارلىق باستامالاردى ىسكە اسىرۋدى جالعاستىرىڭدار. ەگەر بەرگەن ۋادەلەرىڭدى ورىنداماساڭدار مەن قايتىپ كەلىپ، بارىڭە سۇراق قويىپ شىعام"،- دەدى نازاربايەۆ. 

سونداي-اق نازاربايەۆ جاستاردىڭ ەلدىڭ دامۋىنا قوساتىن ۇلەسى زور ەكەنىن ايتىپ ءوتتى. 

"سەندەر باقىتتىسىڭدار! وسىنداي ادەمى قالادا وقىپ، الەمگە ايگىلى ەلدە تۇراسىڭدار. قازاقستان - ءبىزدىڭ وتانىمىز! ءبىزدىڭ مىندەتىمىز - تاۋەلسىزدىكتى ساقتاپ قالۋ. سەندەرگە زور دەنساۋلىق جانە تابىس تىلەيمىن"، - دەپ اقجارما تىلەگىن جاۋدىردى ەلباسى. 

ۇسىنعان: اسەل بولات قىزى