قازاقستان رەسپۋبليكاسى ۇكىمەتىنىڭ قاۋلىسىمەن ەرجان جۇمات ۇلى جىلقىبايەۆ ەڭبەك جانە حالىقتى الەۋمەتتىك قورعاۋ ۆيسە-مينيسترى قىزمەتىنە تاعايىندالدى. بۇل تۋرالى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.

ەرجان جىلقىبايەۆ 1982 جىلى وڭتۇستىك قازاقستان وبلىسى تولەبي اۋدانىنىڭ لەنگەر قالاسىندا دۇنيەگە كەلگەن. وڭتۇستىك قازاقستان ۋنيۆەرسيتەتىن، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن، س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن ءتامامداعان.

 ەڭبەك جولىن 2003 جىلى وڭتۇستىك قازاقستان وبلىسىنىڭ ەكونوميكا دەپارتامەنتىنىڭ باس مامانى بولىپ باستاعان. 2006 جىلى قازاقستان رەسپۋبليكاسى پرەمەر-مينيسترى كەڭسەسىنىڭ باس ساراپشىسى بولىپ تاعايىندالعان.

2007 جىلى ق ر ەكونوميكا جانە بيۋدجەتتىك جوسپارلاۋ مينيسترلىگىنىڭ ەكونوميكا جانە بيۋدجەتتىك جوسپارلاۋ دەپارتامەنتىنىڭ ءبولىم باسشىسى بولىپ ەڭبەك ەتكەن. 2009–2011 جىلدارى — شىعىس قازاقستان وبلىسى اكىمىنىڭ اپپارات باسشىسىنىڭ ورىنباسارى. 2011–2012 جىلدارى — سەمەي قالاسى اكىمىنىڭ ورىنباسارى.

2012–2015 جىلدارى — شىعىس قازاقستان وبلىسى اكىمىنىڭ اپپارات باسشىسى.

2015–2016 جىلدارى — قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-ايماقتىق جۇمىس ءبولىمىنىڭ مەملەكەتتىك ينسپەكتورى.

2016 جىلدىڭ مامىر ايىنان باستاپ قازىرگى تاڭعا دەيىن الماتى قالاسى مەدەۋ اۋدانىنىڭ اكىمى لاۋازىمىن اتقارعان.

ۇسىنعان: فاريزا جومارت قىزى