قازاقستاندىق ارالاس جەكپە-جەك مايتالمانى شاۆكات راحمونوۆ كەزەكتى جەكپە-جەگىندە چەمپيوندىق اتاققا تالاسادى، دەپ حابارلايدى Qamshy.kz اقپارات اگەنتتىگى Prosports.kz سايتىنىڭ دەرەگىن نەگىزگە الىپ. 

شاۆكات راحمونوۆ 30 ناۋرىز كۇنى الماتى قالاسىندا وتەتىن M-1 Challenge 101 ءتۋرنيرىنىڭ باستى جەكپە-جەگىندە ونەر كورسەتەدى.

جەڭىلىستىڭ اششى ءدامىن تاتپاعان وتانداسىمىز M-1 Global تۇجىرىمى بويىنشا الەم چەمپيونى اتاعىنا تالاسادى. 77 كەلى سالماقتا جۇدىرىقتاساتىن شاۆكات رەسەيلىك دانيلا پريكازامەن (11-2-1) چەمپيوندىق بەلبەۋدى ساراپقا سالادى.

BE STRONG پروموۋشەنىنىڭ ۆيسە-پرەزيدەنتى اسىلبەك دۇيسەنوۆ  راحمونوۆتىڭ بەدەلدى ۇيىم-UFCء-دىڭ قاتارىن تولىقتىرۋى مۇمكىن ەكەنىن ايتتى. 

«UFس-گە جاقىنداپ كەلەمىز. UFC شاۆكاتقا 4 جەكپە-جەكتەن تۇراتىن كەلىسىمشارت ۇسىندى. سانكت-پەتەربۋرگتەگى 20 ساۋىردە وتەتىن UFC Fight Night 149 تۋرنيرىنە قاتىسۋعا مۇمكىندىگى بولعان. الايدا، وعان قاتىسسا، م-1 Challenge 101 ءتۋرنيرىنىڭ تيتۋلدى باس تارتۋعا تۋرا كەلەر ەدى»، - دەدى اسىلبەك دۇيسەنوۆ. 

ۇسىنعان: اسەل بولات قىزى