اقورداداعى كەڭەس بارىسىندا مەملەكەت باسشىسى قاسىم-جومارت توقايەۆ ەلباسى نۇرسۇلتان ءابىش ۇلى نازاربايەۆ نەگىزىن قالاعان الەۋمەتتىك تۇرعىدان ادىلەتتى ەل قۇرۋ باعىتىن جالعاستىرۋدى مىندەتتەدى. بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي حابارلادى دەپ جازادى Qamshy.kz اقپارات اگەنتتىگى.
سونىڭ ىشىندە پرەزيدەنت اكىمدەرگە الەۋمەتتىك جاعدايى تومەن ازاماتتار ءۇشىن 40 مىڭنان استام جالدامالى پاتەرلەر بەرۋ ماسەلەسىن جەدەلدەتۋدى جانە بۇل ۇدەرىستى بيىلعى مامىر ايىنان باستاۋدى جۇكتەدى.
سونىمەن قاتار، ق.توقايەۆ حالىقتىڭ تۇرمىس ساپاسىنا تىكەلەي اسەر ەتەتىن ينفراقۇرىلىمعا قاتىستى جۇيەلى ءماسەلەلەردى شۇعىل شەشۋدىڭ ماڭىزدى ەكەنىن اتاپ ءوتتى.
ايتا كەتەيىك، بۇگىن اقوردادا مەملەكەت باسشىسى نۇر-سۇلتان، الماتى، شىمكەنت قالالارىنىڭ جانە وبلىستاردىڭ اكىمدەرىمەن جينالىس وتكىزدى.
ۇسىنعان: گۇلىم جاقان
