اتىشۋلى يرلانديالىق سپورتشى كونور ماكگرەگورعا سەكسۋالدىق زورلىق كورسەتتى دەگەن ايىپ تاعىلدى دەپ جازادى Qamshy.kz اقپارات اگەنتتىگى. 

New York Times باسىلىمىنىڭ حابارلاۋىنشا، 2018 جىلى ءاتى-جونىن جاسىرىن ۇستاۋدى ءجون كورگەن قىز كونورعا قارسى ارىز جازعان.  ءبىر ايدان كەيىن كونوردى پوليسيا قىزمەتكەرلەرى تۇتقىنداپ، تەرگەيدى. قىلمىستىق ءىستىڭ ءالى نۇكتەسى قويىلعان جوق. تەرگەۋ جۇمىستارى جالعاسىپ جاتىر.

ال كونور ماكگرەگوردىڭ باسپا ءسوز قىزمەتكەرى كارەن كەسسلەر  سپورتشىنىڭ كارەراسىن اياقتاۋىنا بۇل جايتتىڭ قاتىسى جوق ەكەنىن مالىمدەدى.

"بۇل ءىس بىرنەشە ايدان بەرى جالعاسىپ كەلە جاتىر. ءبىراق بۇل جايتتىڭ ءقازىر عانا قىزۋ تالقىعا ءتۇسىپ جاتقانى تۇسىنىكسىز. سونداي-اق كونوردىڭ كۇنى كەشە كارەراسىن اياقتاۋىنا بۇل ءىستىڭ قاتىسى جوق. بولاشاقتا كونور قالاسا، جەكپە-جەككە قايتا ورالۋى مۇمكىن. سونىمەن بىرگە بۇل سارسەنبى كۇنى بولادى. ەگەر سپورتشىلار كاسىبيلىكتى، ىنتا مەن جىگەردى باعالاي الاتىن بولسا، كونور قايتا ورالادى"،- دەيدى كارەن كەسسلەر. 

ەسكە سالا كەتسەك، 26 ناۋرىزدا كونور ماكگرەگور ءوزىنىڭ كارەراسىن اياقتاعانىن مالىمدەگەن بولاتىن. 

ۇسىنعان: اسەل بولات قىزى