مەملەكەت باسشىسى ءوڭىر اكىمدەرىنىڭ قاتىسۋىمەن وتكەن كەڭەستە ۇكىمەت مۇشەلەرىنىڭ باياندامالارىن تالقىلاۋ بارىسىندا ءبىلىم بەرۋ جۇيەسىنىڭ ۇشتىلدىلىك باعدارلاماسىن ىسكە اسىرۋ ماسەلەلەرىنە نازار اۋداردى. بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك قۇرمانعالي ۇلى Facebook پاراقشاسىندا جازدى دەپ حابارلايدى Qamshy.kz اقپارات اگەنتتىگى.
«بۇل – وتە كۇردەلى ءارى ماڭىزدى ماسەلە. مەنىڭ ۇستانىمىم، بىرىنشىدەن، قازاق ءتىلى بولۋعا ءتيىس، ورىس ءتىلى بولۋعا ءتيىس. بۇلاردىڭ بالالارىمىز ءۇشىن ماڭىزى زور. تەك سودان كەيىن عانا اعىلشىن ءتىلىن وقىتۋ كەرەك»، – دەدى قازاقستان پرەزيدەنتى.
♦پرەزيدەنت جاعدايى تومەن ازاماتتارعا پاتەر بەرۋدى مامىردان باستاۋدى تاپسىردى
سونداي-اق جينالىستا پرەزيدەنت اكىمدەرگە الەۋمەتتىك جاعدايى تومەن ازاماتتار ءۇشىن 40 مىڭنان استام جالدامالى پاتەرلەر بەرۋ ماسەلەسىن جەدەلدەتۋدى جانە بۇل ۇدەرىستى بيىلعى مامىر ايىنان باستاۋدى جۇكتەدى.
ۇسىنعان: فاريزا جومارت قىزى
