دەنساۋلىق ساقتاۋ مينيسترلىگى قازاقستاندا كامەلەتكە تولماعاندارعا سەكسۋالدىق قورلىق كورسەتكەن 88 پەدوفيلدى كاستراسيالاۋعا قاراجات بولىنگەنىن حابارلادى. بۇل تۋرالى Qamshy.kz اقپارات اگەنتتىگى Tengrinews.kz سايتىنا سىلەتەمە جاساي وتىرىپ حابارلايدى.
«پەنيتەنسيارلىق جۇيەنىڭ بولىمشەلەرى: 2019 جىلى 88 پەدوفيلگە حيميالىق كاستراسيا جۇرگىزۋدى ۇيىمداستىرۋ جوسپارلانىپ وتىر - دەپ حابارلادى.
دەنساۋلىق ساقتاۋ باسقارمالارىنىڭ دەرەكتەرىنە سۇيەنسەك 2018 جىلى قازاقستاندا سوت شەشىمدەرىنە سايكەس ەكى سوتتالعان پەدوفيلدى كاستراسيالاۋ تاعايىندالعان بولاتىن. كۋيس مالىمەتتەرى بويىنشا، تۇتقىندار جامبىل جانە پاۆلودار وبلىستارىنىڭ قىلمىستىق-اتقارۋ جۇيەسىنىڭ مەكەمەلەرىندە.
دەنساۋلىق ساقتاۋ مينيسترلىگى 2018 جىلدىڭ سوڭىنا دەيىن قازاقستاندا حيميالىق كاستراسيالاۋ پروسەدۋراسى جۇرگىزىلمەگەنىن ايتتى.
سونىمەن قاتار، ۆەدومستۆو كاستراسياعا قاتىستى ەرەجەلەردى ءتۇسىندىردى. پروسەدۋرا سوت شەشىمى نەگىزىندە جانە جىنىستىق ارتىقشىلىقتان زارداپ شەككەن ادامداردا دەكومپەنساسيالاردىڭ جاي-كۇيىن بولدىرماۋ ماقساتىندا جۇرگىزىلەدى. قازاقستان رەسپۋبليكاسىنىڭ قىلمىستىق كودەكسىنىڭ 91-بابىنىڭ 2-تارماعىنا سايكەس «مەديسينالىق سيپاتتاعى ماجبۇرلەۋ شارالارىن قولدانۋدىڭ نەگىزدەرى» كاستراسيا ادامدارعا ەلەۋلى زيان كەلتىرەتىن نەمەسە وزدەرىنە سونداي-اق باسقا ادامدارعا ءقاۋىپ توندىرەتىن جاعدايلاردا عانا تاعايىندالادى.
دەپارتامەنت سونداي-اق، ماجبۇرلەپ ەمدەۋگە جاتاتىن ادامداردىڭ ىقتيمال سانى تەك سوت-تەرگەۋ ورگاندارىنا عانا بەلگىلى بولاتىنىن مالىمدەدى.
ايتا كەتسەك، حيميالىق كاستراسيا - جىنىستىق بەلسەەندىلىكتى ازايتاتىن پرەپارات. بۇل ءراسىم كامەلەتتىك جاسقا تولماعاندارعا زورلىق-زومبىلىقپەن قىلمىس جاساعان 18 جاستان اسقان تۇلعالارعا قولدانىلۋى مۇمكىن.
اۋدارعان: فاريزا جومارت قىزى
