«بوستاننان كەلگەن شايىر بالاقاي» دەگەن لاقاپ اتقا يە بولعان سەم لەنگفورد الەمدەگى ەڭ مىقتى بوكسەرلەردىڭ ءبىرى. ول تەك بوكس الەمىندە عانا تانىمالدىلىققا يە بولعان. لەنگفورد قارسىلاسىن تەز ارادا نوكاۋتقا جىبەرەتىن قابىلەتىمەن تانىمال. قالاۋى دا سول بولعان سياقتى.

بويى 170 سانتيمەتر، دەنە ءبىتىمى  تىعىرشىقتاي لەنگفورد اۋەلدە جەڭىل سالماقتا كۇش سىناسقان. كەيىنىرەك اۋىر سالماققا كوشتى. اۋىر سالماقتا سايىسقا تۇسەتىندىكتەن، سول زاماننىڭ چەمپيوندارى ونىمەن كۇش سىناسۋدان قاشقاقتايتىن. سەبەبى، قارسىلاستارى باس سۇيەگىڭدى شاشىپ تاستاۋى مۇمكىن ونىڭ وڭ قولىنىڭ قاتتى سوققىسىنان قورقاتىن. سونداي بوكسەرلەردىڭ ءبىرى اتاقتى اۋىر سالماقتى چەمپيون دجەك دجونسون ەدى.

قاۋەسەتكە سەنسەك، ول لەنگفوردتى جەڭە الاتىن جالعىز ادام  ەكەن. سول سەبەپتى دە كەيدە لەنگفوردتى «ەشكىم تانىمايتىن اتاقتى بوكسەر» دەپ تە اتايدى. ويتكەنى، ونىڭ زامانى وعان ۇلكەن رينگتە ءوز كۇشىن كورسەتۋگە ەش مۇمكىندىك بەرمەگەن.  

مۇنى ءتىپتى ۇياتتى ءىس دەسە دە بولادى. سەبەبى، لەنگفورد ءوزىنىڭ مىقتى سوققىسىنىڭ ارقاسىندا ومىرىندە كەزدەسكەن كەز كەلگەن جاننىڭ سىي-قۇرمەتىنە يە بولعان فەنومەن، تەڭدەسى جوق بوكسەر ەدى.

مىسالى، بوكسشى حارري ۋيللستەن ءبىر كۇنى "لەنگفوردتان جەڭىلۋ قانداي ەكەن؟" دەپ سۇراعاندا «جۇدىرىعى مەنى تەسىپ ءوتتى دەپ ويلادىم» دەپ جاۋاپ بەرگەن ەكەن. "لەنگفورد نوكاۋتقا جىبەرگەندە قانداي سەزىمدە بولدىڭ؟" دەگەندە، ۋيللس: «بىتكەن جەرىم وسى، ولگەن شىعارمىن دەپ ويلادىم"- دەپتى. ۋيللستىڭ ءوزى دە اۋىر سالماقتا كۇش سىناسقان. ءتىپتى لەنگفوردان 15 سانتيمەتر بيىك بولعان. سوندىقتان، ول بەتىڭە جۇدىرىقتىڭ اۋىر سوققىسى ءتيۋدىڭ نە ەكەنىن وتە جاقسى بىلگەن.

قارسىلاسىن مۇرتتاي ۇشىراتىن سوققىسىمەن قاتار، لەنگفورد وتە شاپشاڭ بوكسشى بولعان. دەرەكتەرگە سۇيەنسەك، ول وتە شىدامدى بولعان دەسەدى. ءتىپتى تىم كەش كەزدەسۋلەر كەزىندە دە قارسىلاسىن نوكاۋتقا جىبەرەتىندەي كۇشى بولعان ەكەن. وعان قوسا، بوكسشىنىڭ سوققىسىنىڭ كۇشتىلىگى سونشا، قارسىلاستارى تىم ۇزاققا شىداماعان. تەك كەيبىر قارسىلاستارى سوڭعى كۇشى قالعانشا، ەكىنشىلەرى  ءبىرشاما ۇزاق توبەلەسكەن دەسەدى.

لەنگفورد قارسىلاستارىنىڭ كوبىسىن ءبىرىنشى راۋندتا-اق نوكاۋتقا جىبەرەتىن. ءسويتىپ، رينگتەن تەزىرەك كەتۋگە اسىققان. جانكۇيەرلەرىنىڭ ءبىرى "نەگە سونشا كەتۋگە اسىعاسىڭ؟" دەپ سۇراعاندا،  لەنگفورد جىميىپ: «بىلەسىڭ بە، ساعات 11:30-دا پويىزىم ءجۇرىپ كەتەدى»-دەپ جاۋاپ بەرگەن ەكەن.

دەرەككوز: prikolno.cc      

ۇسىنعان: ماقپال سەمباي