قازاقستان پرەزيدەنتى قاسىم-جومارت توقايەۆ اكىمدەرگە الەۋمەتتىك جەلىلەردە جۇمىس ىستەۋدى تاپسىردى دەپ حابارلايدى Qamshy.kz اقپارات اگەنتتىگى اقوردا سايتىنا سىلتەمە جاساپ.

"ءبىز ءۇشىن قاراپايىم حالىقتىڭ الەۋمەتتىك جاعدايىن ءبىلۋ جانە دەر كەزىندە ارەكەت ەتۋ وتە ماڭىزدى. اكىمدەر حالىقتىڭ سۇرانىستارىنا جەدەل دەن قويىپ، ءتۇسىندىرۋ جۇمىستارىن جۇرگىزۋى ءتيىس. الەۋمەتتىك جەلىلەردە بەلسەندى جۇمىس ىستەۋ ماڭىزدىلىعى: مەسسەندجەرلەردە توپتار قۇرىپ، جۇرگىزىلىپ جاتقان ساياساتتى ءتۇسىندىرۋ، جاعدايدى جەتىلدىرۋ جانە باسقارۋ. حالىقپەن كەرى بايلانىس بارلىق جەردە ورناعان جوق، 17 اكىمدىكتەن بارلىعى ءتورت بايلانىس كولل-ورتالىعى بار، ال ءموبيلدى حالىق باقىلاۋى - 7 وڭىردە عانا"، - دەدى توقايەۆ نۇر-سۇلتان، الماتى جانە شىمكەنت قالالارىنىڭ اكىمدەرىمەن وتكەن كەڭەستە.

ونىڭ ايتۋىنشا، حالىقپەن كەزدەسۋلەردە كونسترۋكتيۆ ديالوگ قۇرۋ كوپتەگەن پروبلەمالىق ماسەلەلەردى ءتيىستى دەڭگەيدە شەشە الاتىنىن كورسەتتى.

"بۇل ازاماتتاردىڭ بيلىك ينستيتۋتتارىنا دەگەن سەنىمىن ارتتىرادى. ءوڭىر اكىمدەرى ەسەپ بەرۋ كەزدەسۋلەرىندە عانا ەمەس، سونىمەن قاتار تۇراقتى نەگىزدە ادامدارمەن كەزدەسىپ، بارلىق ەلدى مەكەندى ارالاپ شىعۋى ءتيىس. قوعامنىڭ قازىرگى دامۋ كەزەڭىندە جۇرگىزىلىپ جاتقان رەفورمالار مەن ىسكە اسىرىلىپ جاتقان مەملەكەتتىك ساياساتتىڭ ءمانىن ناقتى جانە قولجەتىمدى جەتكىزە ءبىلۋ ءاربىر جەتەكشىگە اجىراماس تالاپ. كەيدە ەڭ ساۋاتتى مامان قاراپايىم جانە قولجەتىمدى تىلدە سويلەي المايتىنىن وزدەرىڭىز كورىپ وتىرسىزدار"، - دەپ تولىقتىردى قاسىم-جومارت توقايەۆ.

پرەزيدەنت مەملەكەتتىك باسقارۋ اكادەمياسىنىڭ بازاسىندا ءتيىستى كۋرستاردى ەنگىزۋدى جانە ولارعا حالىقپەن بەلسەندى ءوزارا ءىس-قيمىل جاسايتىن بارلىق شەنەۋنىكتەردى جىبەرۋدى تاپسىردى.

"اكىمدەرگە حالىقپەن ءوزارا ءىس-قيمىلدىڭ جاڭا فورماتىنا كوشۋدى تاپسىرامىن. ءوڭىر باسشىلىعىنىڭ ازاماتتارمەن جەكە بايلانىسى وتە ماڭىزدى. بۇل بارلىق دەڭگەيدەگى اكىمدەرگە قاتىستى، اۋىلداعى اكىمدەردەن وبلىس اكىمدەرىنە دەيىن"، - دەدى مەملەكەت باسشىسى.

ۇسىنعان: فاريزا جومارت قىزى