ورالداعى ۇيالى بايلانىس سالونىنا جاسالعان شابۋىل تۋرالى تىڭ دەرەكتەر شىقتى. جەلىدە جاريالانعان ۆيدەودا دۇكەنگە كەلۋشى ساتۋشىعا بىرنەشە رەت پىشاق سۇققانى كورىنەدى. 31 جاستاعى كاسىپكەر ءالى دە اۋىر جاعدايدا جاتىر، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساي وتىرىپ. 

ۆيدەودان 23 ناۋرىزدا "موبيلنيك" ۇيالى بايلانىس سالونىنا ەر ادامنىڭ كىرگەنىن كورۋگە بولادى. ول ساتۋشىمەن سويلەسىپ، تەلەفوندار مەن ونىڭ اكسەسسۋارلارىن كورسەتۋدى سۇرايدى. ساتۋشى ارتقا بۇرىلا بەرگەندە قاسكۇنەم پىشاعىن شىعارىپ، بەلىنە بىرنەشە رەت سۇققان. 

"وعان دەيىن قىلمىسكەر دۇكەندە 40 مينۋت بويى جۇرگەن. تەلەفون تاڭداپ جاتقانداي بولىپتى. ول ساتۋشىنىڭ ارقاسىنان ەكى رەت پىشاقتاپ، قاراپ تۇرعان تەلەفونىن العان دا، قاشىپ كەتكەن. ەر ادام وسىنداي قىلمىسى ءۇشىن ءۇش رەت سوتتالعانىن بىلدىك. ول بۇل شابۋىلعا دايىندالعان"، - دەدى زارداپ شەگۋشىنىڭ تانىسى ۆلاديمير. 

31 جاستاعى ساتۋشى قالالىق كوپسالالى اۋرۋحانانىڭ جان ساقتاۋ بولىمىنە جەتكىزىلدى. دارىگەرلەر ونىڭ ءومىرى ءۇشىن ءتورت ساعات بويى ارپالىستى. پاسيەنتتىڭ قولقاسى زاقىمدانىپ، كوپ قان جوعالتقان. 

"ناۋقاسقا وتا جاسالدى. جاعدايى اۋىر. حيرۋرگيا بولىمىنە اۋىستىرىلدى. وزىنە كەلدى، ءوزى دەم الا الادى"، - دەيدى قالالىق كوپسالالى اۋرۋحانا ديرەكتورىنىڭ ورىنباسارى باقتيار تاشكەنبايەۆ.

پوليسيادا ق ر قىلمىستىق كودەكسىنىڭ 192-بابى، 1ء-بولىمى بويىنشا سوتقا دەيىنگى تەرگەۋ جۇرگىزىلىپ جاتقانىن حابارلادى. ۇستالعان كۇدىكتى پوليسيا باسقارماسىندا ۋاقىتشا ۇستاۋ يزولياتورىنا ورنالاستىرىلدى. 

ۇسىنعان: فاريزا جومارت قىزى