قىزىلوردا وبلىسىنىڭ جالاعاش اۋدانىندا اپاتقا ۇشىراعان مي-8 تىكۇشاعىندا 13 ادامنىڭ ءبارى دە قازا تاپتى دەپ مالىمدەدى Qamshy.kz اقپارات اگەنتتىگى ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
«2019 جىلدىڭ 27 ناۋرىزدا ق ر قارۋلى كۇشتەرىنىىڭ اكق اسكەري-اۋە كۇشتەرىنىڭ تىكۇشاعى اپاتقا ۇشىرادى. الدىن الا مالىمەت بويىنشا، وقيعا ورنىندا كوز جۇمعاندار بار. كوز جۇمعاندار مەن زارداپ شەككەندەردىڭ سانى مەن جاعدايى انىقتالۋ ۇستىندە»، - دەلىنگەن مينيسترلىكتىڭ حابارلاماسىندا.
مينيسترلىكتىڭ حابارلاۋىنشا، اتالمىش تىكۇشاق 4 بىردەي اسكەري تىكۇشاق قۇرامىنان تۇراتىن بولىممەن بىرگە اقتاۋ قالاسىنان شىمكەنتكە ۇشىپ بارا جاتقان. ۇشۋ ساپارى ارنايى بولىمشەلەردىڭ «التىن جەبە» كەشەندى وقۋ جانە جاتتىعۋ اياسىندا قاراڭعى ۋاقىتتا ءارى كۇردەلى مەتەورولوگيالىق جاعدايدا جۇرگىزىلگەن.
بۇل تۋرالى ق ر پرەزيدەنتى قاسىم-جومارت توقايەۆ ءوزىنىڭ twitter الەۋمەتتىك جەلىسىندە قازا تاپقان ەكيپاج مۇشەلەرىنە كوڭىل ايتىپ، وتباسىلارىنا ماتەريالدىق كومەك كورسەتىلىتەتىنىن ايتتى.
قىزىلوردا وبلىسىندا قورعانىس مينيسترلىگىنىڭ تىكۇشاعى اپاتقا ۇشىرادى.اسكەري جاتتىعۋ كەزىندە اقتاۋ-شىمكەنت باعىتىندا ۇشقان. وكىنىشكە قاراي،ەكيپاج مۇشەلەرى قازا تاپتى. تەرگەۋ جۇمىستارى جۇرگىزىلەدى.قازا تاپقانداردىڭ تۋىستارىنا كوڭىل ايتامىن. وتباسىلارىنا ماتەريالدىق كومەك كورسەتىلەدى
— Qasym-Jomart Toqayev (@TokayevKZ) 27 مارتا 2019 گ.
ۇسىنعان: فاريزا جومارت قىزى
