ماسكەۋگە كەلگەندەگى نەگىزگى شارۋا ديماش باۋىرىمىزعا قولداۋ كورسەتىپ جانكۇيەر بولۋ ەدى. الەمنىڭ تۇكپىر-تۇكپىرىنەن ديماشتى ىزدەپ كەلىپ جۇرگەن جانكۇيەرلەردى كورىپ ءجۇرمىز عوي، مىنا تۇرعان جەردەن جەتە الماعانىمىز ۇياتتى دەدىك. كەلدىك، كوردىك، سۇيسىندىك! دالادا ارى-بەرى جۇگىرگەن ورىستاردىڭ "ديماشتىڭ كونسەرتىنە بيلەت بار ما؟!" دەپ قاپىلىپ جۇرگەنىن كوردىك. قىزىل الاڭدى قورشاعان قىزىل اسكەر ديماشتىڭ كونسەرتى ءۇشىن قىزمەت قىلعانىن كوردىك. كرەملدىڭ اۋزى مۇرنىنان شىققان xالىق قازاقتىڭ انىنە قوسىلىپ تۇرعانىن كوردىك. جۇڭگو، اعىلشىن، تۇرىكتەردىڭ "دايديداۋدى" تىڭداپ جىلاعانىن كوردىك. 6 مىڭ xالىقتىڭ ءبىزدىڭ دومبىرانىڭ ۇنىنە تىك تۇرىپ قول سوققانىن كوردىك. يگور كرۋتوي، انيتا سوي باستاعان دۇلدۇلدەردىڭ ديماشقا قۇرمەت كورسەتكەنىن كوردىك. يمانعالي اعامىز باستاعان ەل ازاماتتارىنىڭ ديماش ءۇشىن مارقايىپ تۇرعانىن كوردىك. كونسەرت بىتكەن سوڭ دا 1 ساعات بويى تارقاماي تۇرىپ العان xالىقتى كوردىك. ەنسەسى بيىك xالىق ۇلىمىزدىڭ الدىندا ەڭكەيىپ تۇردى! الەمگە اتى كەتكەن بارماقتاي بالامىز ءۇشىن كوزىمىزگە جاس كەلدى..!تاۋبە" دەدىك ىشىمىزدەن.. ءتىل كوزىمىز تاسقا دەدىك.. قازاقتىڭ باعىنا بىتكەن قارشاداي بالاعا اللام ءوزىڭ قورعان بولا كور دەپ دۇعا قىلدىق.
اپپاق بولعان بالادان اينالدىق!
سەنى تۋعان انادان اينالدىق!
جەردى جارعان داۋىسىڭنان اينالدىق!
ەلدى وياتقان نامىسىڭنان اينالدىق..!
سۇپ-سۇيكىمدى تۇرىڭنەن اينالدىق!
بالدان ءتاتتى تىلىڭنەن اينالدىق!
ەلگە دەگەن تىلەگىڭنەن اينالدىق!
جۇدىرىقتاي جۇرەگىڭنەن اينالدىق!
جاساي بەر قازاقتىڭ بالاسى!!
جاساي بەر ديماش!!!
اينۇر تۇرسىنبايەۆانىڭ Facebook پاراقشاسىنان
ۇسىنعان: فاريزا جومارت قىزى
