27 ناۋرىزدا قىزىلوردا وبلىسىنىڭ جالاعاش اۋدانىندا مي-8 تىكۇشاعىنىڭ قۇلاپ، 13 ادام قازا تاپقان بولاتىن.  اپاتقا ۇشىراعان تىكۇشاقتا باتىس قازاقستان وبلىسىنىڭ تۋماسى كاپيتان سىرىم ءماسالىم دە بولدى. 29 جاستاعى اسكەري قىزمەتكەر سىرىم اۋدانىنىڭ ارالتوبە اۋىلىندا تۋعان، سونداي-اق ونىڭ ارتىندا 3 بالاسى قالدى دەپ حابارلايدى Qamshy.kz اقپارات اگەنتتىگى حابار 24 سايتىنا سىلتەمە جاساي وتىرىپ.

سىرىم ءماسالىم — اقتوبە اۋە قورعانىس كۇشتەرى اسكەري ينسيتۋتىنىڭ تۇلەگى. مارقۇمنىڭ ارتىندا جارى مەن 3 جاسار ۇلى قالدى. سىرىم — وتباسىنداعى كەنجە ۇل. ەكى اپكەسى مەن اعاسى بار. اتا-اناسى ءقازىر ورال قالاسىندا تۇرادى. اكەسى مالكەي ۇلىمەن سوڭعى رەت كەشە كۇندىز تەلەفون ارقىلى سويلەسكەنىن ايتادى. 

مالكەي يمانعالييەۆ، سىرىم ءماسالىمنىڭ اكەسى:  ءالى سەنبەي تۇرمىن، بالام جوق دەپ.  دەگەنمەن، قارۋلى كۇشتەر دەپارتامەنتىنەن كەلىپ كەتتى جاڭا، 13 ادام قايتىس بولعانىن ايتتى، سونىڭ ىشىندە ءسىزدىڭ دە بالاڭىز بار دەدى. بالام  مەكتەپ بىتىرگەندە ءوزى ارمانداعان تالعات بيگەلدينوۆ اتىنداعى اسكەري ينستيتۋتقا تۇسكەن. 2007-2011-دە ءبىتىرىپ، اقتاۋعا جىبەرىلدى. - دەيدى.

ۇسىنعان: فاريزا جومارت قىزى