تانىمال رەسەيلىك كومپوزيتور يگور كرۋتوي ديماش تۋرالى پىكىر ءبىلدىردى دەپ جازادى Qamshy.kz اقپارات اگەنتتىگى. ول ءوز كارەراسىندا بۇرىن-سوڭدى ديماشتاي ءانشى بولماعانىن ايتتى. 

"ول – كوسموس بالا. مەنىڭ كارەرامدا ديماشتاي ءانشى بولماعان"، - دەپ پىكىر ءبىلدىردى يگور كرۋتوي. 

ال ديماش بولسا ماسكەۋدەگى كونسەرتتەن كەيىن يگور كرۋتويعا العىس ايتۋدان شارشاعان ەمەس. سونداي-اق ديماشتىڭ كەزەكتى بەينەبايانىنىڭ قاشان شىعاتىنى دا بەلگىلى بولدى. 

يگور كرۋتويدىڭ ايتۋى بويىنشا، "شارشاعان اققۋلار ماحابباتى" انىنە تۇسىرىلگەن بەينەبايان 10-15 ءساۋىر ارالىعىندا كورەرمەنگە جول تارتادى. 

"بيۋدجەت جاعىنان دا، ساپا جاعىنان دا الىپ قاراعان كەزدە، مۇنداي بەينەبايان سوڭعى 5 جىلدا بولماعان. بۇل — "بومبا" بولادى دەپ ويلايمىن"، - دەيدى يگور كرۋتوي.

ەسكە سالساق، 8 ناۋرىزدا ديماشتىڭ "اققۋىم"  انىنە تۇسىرىلگەن بەينەبايان جارىققا شىققان بولاتىن. Qamshy.kz اقپارات اگەنتتىگى "شارشاعان اققۋلار ماحابباتى" انىنە تۇسىرىلگەن بەينەباياندى دا العاشقىلاردىڭ ءبىرى بولىپ جاريالايتىن بولادى. 

اۋدارعان: اسەل بولات قىزى