پاۆلودار وبلىسى اقسۋ قالاسىندا ەر ادام ءوز-وزىن ورتەپ جىبەردى: ءبىر ادام قازا تاۋىپ، ون ءۇش ادام زارداپ شەكتى، دەپ حابارلايدى Qamshy.kz اقپارات اگەنتتىگى  pavlodarnews.kz cايتىنا سىلتەمە جاساي وتىرىپ.

3 ساۋىردە  ساعات 20:51-دە اقسۋ قالاسى ب. مومىش ۇلى كوشەسىندە جەكە تۇرعىن ءۇيدىڭ جانىپ جاتقانى تۋرالى حابار كەلگەن. وقيعا كۋاگەرلەرىنىڭ ايتۋىنشا، سول كۇنى قازا تاپقان  ادامنىڭ ايەلىنىڭ تۋعان كۇنى بولعان ەكەن. قوناقتار داستارحان باسىنا جينالعاندا، 50 جاستاعى ءۇي يەسى كەتىپ قالادى دا، بەس ليتر بەنزين اكەلىپ، "بالالاردى الىپ كەتىڭدەر" دەپ ايتقان. ايەلى ونىڭ ايتقانىن ورىنداعان بويدا ەر ادام سىرىڭكەنى جاعىپ، ءوزىن ورتەپ جىبەرگەن. دوستارى ونى توقتاتۋعا تىرىسقان. كۇيىك شالعان ەر ادام اقسۋ قالاسىنىڭ ورتالىق اۋرۋحاناسىنا جەتكىزىلگەنىمەن، ونى امان ساقتاپ قالۋ مۇمكىن بولماپتى.

ءورتتىڭ سالدارىنان 13 ادام زارداپ شەكتى: ءتورت ادام جانساقتاۋ بولىمىندە جاتىر، بەس ادام مەن ءتورت بالا ءيىس گازىنان ۋلانىپ، جانساقتاۋ بولىمىنە جەتكىزىلدى، دەپ حابارلادى وبلىستىق جەدەل جاردەم ستانسياسى.

ءورت اۋماعى 30 شارشى مەتر بولدى. ءۇش بولمەلى باسپانانىڭ اس بولمەسى، جيھاز، تۇرمىستىق تەحنيكا جانە باسقا زاتتار تۇگەل جانىپ كەتكەن. ءۇيدىڭ شاتىرى دا وپىرىلىپ قۇلاپتى.

ۇسىنعان: فاريزا جومارت قىزى