بۇل تۋرالى «Nur Otan» پارتياسى ءتوراعاسىنىڭ ءبىرىنشى ورىنباسارى اقمولا وبلىسىنا جاساعان ساپارىندا ايتتى.

ساپار بارىسىندا ول ەلباسىنىڭ «Nur Otan» پارتياسىنىڭكەزەكتى XVIII سەزىندە انىقتاپ بەرگەن باسىمدىقتارىنىڭ وبلىستا جۇزەگە اسىرىلۋ بارىسىمەن تانىستى. سوعان وراي ول «حالىققا كومەك» جوباسى اياسىندا قولعا الىنعان ءبىرىڭعاي الەۋمەتتىك تەرەزە جۇيەسىنىڭ قىزمەتىنە نازار اۋداردى. اتالعان جۇيەنىڭ ىسكە قوسىلعانىنا كوپ ۋاقىت وتە قويماسا دا ەلىمىز بويىنشا وڭ ناتيجەسىن بەرۋدە. سونىڭ ىشىندە اقمولا وبلىسىن ەرەكشە اتاپ وتكەن ءجون. ويتكەنى وڭىردە الەۋمەتتىك تەرەزە ارقىلى 431 ءوتىنىش كەلىپ ءتۇسىپ، ونىڭ 43 پايىزى دەرەۋ وڭ شەشىمىن تاپقان. ال ەلىمىز بويىنشا 2400-دەن استام ءوتىنىش ءتۇسىپ، ونىڭ 40 پايىزى وڭ شەشىلگەن.

سونداي شەشىمدەردىڭ ءبىرى ماۋلەن اشىمبايەۆ پەن وبلىس اكىمى ەرمەك مارجىقپايەۆتىڭ قاتىسۋىمەن ورىن الدى. ناقتى ايتقاندا، قىزىنىڭ وقۋ اقىسى ءۇشىن كومەك سۇراي كەلگەن كوپ بالالى انا ءۇمىتجان قوبىلوۆاعا قاجەتتى سومادا قارجىلاي قولداۋ كورسەتىلدى. سونداي-اق ونىڭ پاتەر جالداپ تۇراتىنى ەسكەرىلىپ، باسپانا ماسەلەسى دە قارالىپ، وبلىس باسشىلىعى تاراپىنان زاڭ شەڭبەرىندە ءتيىستى جۇمىستار جۇرگىزىلەتىن بولدى.

– «حالىققا كومەك» تىكەلەي ەلباسىنىڭ تاپسىرماسىمەن قولعا الىنعان جوبا. سوندىقتان ازاماتتاردىڭ وتىنىشتەرىن اياقسىز قالدىرماي، بەلسەندى جۇمىس ىستەۋىمىز كەرەك. ويتكەنى حالىقتى الاڭداتقان ماسەلەلەردى وڭ شەشىپ، جەدەل كومەككورسەتۋ – ءبىزدىڭ باستى مىندەتىمىز، – دەدى ماۋلەن اشىمبايەۆ.

پارتيا ءتوراعاسى انىقتاپ بەرگەن ماڭىزدى باسىمدىقتاردىڭ ءبىرى «باقىتتى وتباسى» جوباسى. بۇل باستاما تىكەلەي كوپ بالالى جانە الەۋمەتتىك از قامتىلعان وتباسىلارعا جۇيەلى قولداۋ كورسەتۋگە باعىتتالعان. وسى جوبا اياسىندا ماۋلەن اشىمبايەۆ كوكشەتاۋ قالاسىنداعى كوپ بالالى قاقجانوۆتار وتباسىنا ارنايى ات باسىن بۇردى. بۇعان دەيىن بۇل وتباسى ەكى بولمەلى پاتەرلەرىنىڭ قالعان سوماسىن وتەپ، تولىعىمەن ساتىپ الۋ ءۇشىن پارتيادان قولداۋ سۇراعان بولاتىن. پارتيالىق جوبانىڭ ارقاسىندا بۇل وتىنىشتەرى ورىندالىپ، قاقجانوۆتار وتباسى وزدەرىنىڭ جەكە باسپانالارىنا قول جەتكىزدى.

سونىمەن قاتار اقمولا وبلىسىنا ساپارى بارىسىندا «Nur Otan» پارتياسى ءتوراعاسىنىڭ ءبىرىنشى ورىنباسارى كوكشەتاۋ قالاسىنداعى سۋ باسقان «پريۆوكزالنىي» شاعىن اۋدانىنىڭ تۇرعىندارىمەن كەزدەستى. اتالعان ماسەلەگە بايلانىستى ماۋلەن اشىمبايەۆ پارتيانىڭ جەرگىلىكتى فيليالىنا توتەنشە جاعدايمەن كۇرەس جۇمىستارىن باقىلاۋدا ۇستاپ، زارداپ شەككەن ءار ازاماتتىڭ مەملەكەت تاراپىنان بەرىلەتىن مىندەتتى كومەكتى الۋىن قامتاماسىز ەتۋدى تاپسىردى.

سونداي-اق ول پارتيانىڭ ايماقتىق اكتيۆىمەن كەزدەسىپ، الداعى جۇمىستىڭ باعىت-باعدارىن پىسىقتادى.