مەملەكەت باسشىسى قاسىم-جومارت توقايەۆ ءبىرقاتار كادرلىق-اۋىس ءتۇيىس جاسادى دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.

"مەملەكەت باسشىسىنىڭ وكىمىمەن مۇرات بەكتانوۆ قازاقستان قورعانىس ءمينيسترىنىڭ ءبىرىنشى ورىنباسارى – قازاقستان قارۋلى كۇشتەرى باس شتابىنىڭ باستىعى قىزمەتىنە تاعايىندالدى، ول قازاقستان قارۋلى كۇشتەرى قۇرلىق اسكەرلەرىنىڭ باس قولباسشىسى قىزمەتىنەن بوساتىلدى"، - دەپ جازىلعان اقوردانىڭ باسپا ءسوز قىزمەتى تاراتقان اقپاراتتا.

باقىت قۇرمانبايەۆ قازاقستان قورعانىس ءمينيسترىنىڭ ورىنباسارى بولىپ تاعايىندالدى، ول قازاقستان قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى قىزمەتىنەن بوساتىلدى.

 مارات ورازايەۆ قازاقستان اۋىل شارۋاشىلىعى مينيسترلىگىنىڭ جاۋاپتى حاتشىسى قىزمەتىنە، ال الماز نۇرازحان قازاقستاننىڭ ۇلتتىق مۋزەيىنىڭ ديرەكتورى قىزمەتىنە تاعايىندالدى.

سونداي-اق مەملەكەت باسشىسىنىڭ وكىمدەرىمەن ەرجان باباقۇماروۆ قازاقستان پرەزيدەنتىنىڭ كەڭەسشىسى – قازاقستان پرەزيدەنتى اكىمشىلىگىنىڭ تالداۋ جانە بولجامداۋ ورتالىعىنىڭ مەڭگەرۋشىسى قىزمەتىنە تاعايىندالدى، ول بۇرىنعى اتقارعان قىزمەتىنەن بوساتىلدى.

ەرلان قارين قازاقستان پرەزيدەنتىنىڭ كەڭەسشىسى قىزمەتىنە تاعايىندالدى.

تالعات مومىشيەۆ قازاقستان ەنەرگەتيكا مينيسترلىگىنىڭ جاۋاپتى حاتشىسى قىزمەتىنە تاعايىندالدى.

مۇرات مايكەيەۆ باسقا جۇمىسقا اۋىسۋىنا بايلانىستى قازاقستان قورعانىس ءمينيسترىنىڭ ءبىرىنشى ورىنباسارى – قازاقستان قارۋلى كۇشتەرى باس شتابىنىڭ باستىعى قىزمەتىنەن، تالعات جانجۇمەنوۆ باسقا جۇمىسقا اۋىسۋىنا بايلانىستى قازاقستان قورعانىس ءمينيسترىنىڭ ورىنباسارى قىزمەتىنەن، قۋاتجان ۋالييەۆ قازاقستان مادەنيەت جانە سپورت مينيسترلىگىنىڭ جاۋاپتى حاتشىسى قىزمەتىنەن بوساتىلدى.

ۇسىنعان: ماقپال سەمباي