ۇلتتىق بانك قازاقستاننىڭ سىرتقى قارىزى قانشا ەكەنىن ايتتى دەپ حابارلايدى Qamshy.kz اقپارات اگەنتتىگى sputniknews.kz سايتىنا سىلتەمە جاساپ. 

2018 جىلدىڭ 4ء-شى توقسانىندا قازاقستاننىڭ سىرتقى بورىشى ەكونوميكانىڭ بانكتىك ەمەس سەكتورى مىندەتتەمەلەرىنىڭ ازايۋى ەسەبىنەن 2،5 ميلليارد اقش دوللارىنا قىسقاردى.

2019 جىلدىڭ 1 قاڭتارىنداعى مالىمەت بويىنشا قازاقستان رەسپۋبليكاسىنىڭ سىرتقى بورىشى 158،8 ميلليارد اقش دوللارىن نەمەسە ىجو-گە شاققاندا 93،1%ء-تى (جىل باسىنان بەرى 9،5%-عا جاقساردى) قۇرادى، دەپ حابارلادى ۇلتتىق بانكتىڭ باسپا ءسوز قىزمەتى.

سىرتقى بورىشتىڭ 63،6%ء-ىن بۇرىنعىسىنشا فيرماارالىق بەرەشەك، 25،0%ء-ىن شىرمالماعان كرەديتورلار الدىنداعى "باسقا سەكتورلاردىڭ" سىرتقى بورىشى، 7،8%ء-ىن مەملەكەتتىك سىرتقى بورىش (ۇكىمەت پەن ۇلتتىق بانك)، 3،6%ء-ىن "بانكتەر" سەكتورىنىڭ سىرتقى مىندەتتەمەلەرى (ەدب جانە "قازاقستاننىڭ دامۋ بانكى" اق) الىپ وتىر.

"2018 جىلدىڭ 4ء-شى توقسانىندا قازاقستاننىڭ سىرتقى بورىشى ەكونوميكانىڭ بانكتىك ەمەس سەكتورى مىندەتتەمەلەرىنىڭ ازايۋى ەسەبىنەن 2،5 ميلليارد اقش دوللارىنا قىسقاردى. مەملەكەتتىك سىرتقى بورىش جالپى سوماسى 1،05 ميلليارد ەۋرونى قۇرايتىن 5 جانە 10 جىلدىق تاۋەلسىز ەۋرووبليگاسيالاردىڭ ەكى ترانشىن شىعارۋ ەسەبىنەن 899،1 ميلليون اقش دوللارىنا ءوستى"، - دەپ تۇسىنىكتەمە بەردى ۇلتتىق بانك.

"باسقا سەكتورلاردىڭ" ۇلەستەس ەمەس كرەديتورلار الدىنداعى سىرتقى بورىشى 1،6 ميلليارد اقش دوللارىنا ازايدى، ول نەگىزىنەن، قارىزداردى وتەۋ ەسەبىنەن، ونىڭ ىشىندە ERG توبى كاسىپورىندارىنىڭ مىندەتتەمەلەرىن قايتا قارجىلاندىرۋ (963 ميلليون اقش دوللارىنا ازايدى)، "قازمۇنايگاز" ۇك" اق-تىڭ "سبەربانك روسسيي" پاو الدىنداعى (371 ميلليون اقش دوللارى) جانە "قازتەمىرترانس" اق-تىڭ ەقدب الدىنداعى قارىزدارىن وتەۋ ەسەبىنەن بولدى.

فيرماارالىق بەرەشەك ءىرى كەن ءوندىرۋشى جانە كولىك كومپانيالارىنىڭ شەتەلدىك تەل ۇيىمداردان تارتىلعان نەسيەنى وتەۋى ناتيجەسىندە 1،8 ميللارد اقش دوللارىنا قىسقاردى.

قازاقستاننىڭ تازا سىرتقى بورىشى 2018 جىلدىڭ 4-توقسانىندا 560،5 ميلليون اقش دوللارىنا ازايىپ، 47،2 ميلليارد اقش دوللارىن قۇرادى.  

ۇسىنعان: ماقپال سەمباي