شىمكەنتتەگى توقايەۆ كوشەسى قازاقستان پرەزيدەنتىنىڭ قۇرمەتىنە ەمەس، ونىڭ ارداگەر اكەسى، بەلگىلى جازۋشى، قازاق ادەبيەتىندەگى دەتەكتيۆ جانرىنىڭ نەگىزىن سالۋشى كەمەل توقايەۆتىڭ اتىمەن اتالعان دەپ حابارلايدى Qamshy.kz اقپارات اگەنتتىگى sputniknews.kz سايتىنا سىلتەمە جاساي وتىرىپ.
كوشە وتە شاعىن، ۇزىندىعى نەبارى جارتى شاقىرىم عانا بولادى. ول "ەسكى قالا" (شاعىن ساۋدا ورىندارى شوعىرلانعان اۋدان) مەن ورتالىق الاڭدى بايلانىستىرىپ تۇر.
ۇيلەردىڭ دەنى - ەكى نەمەسە ءۇش قاباتتى. بىرەن-ساران بەس قاباتتى ۇيلەردى دە كوز شالادى. كوشەنىڭ كوركىن اشىپ تۇرعان باستى عيمارات - "ەنەرگوپوتوك" كەڭسەسى. مۇندا ەنەرگيا تۇتىنۋ ءۇشىن تولەنەتىن سوماعا كوڭىلى تولماعان تۇرعىندار كەلىپ، ءوز ماسەلەلەرىن شەشەدى. قاراتاۋ اۋداندىق سوتى مەن شىمكەنت قالالىق تەرگەۋ سوتى دا وسىندا.
جولدا كەلە جاتىپ، ءمۇلت كەتسەڭ، شالشىققا ءتۇسىپ كەتۋگە بولادى. الايدا مۇنىڭ ءبارى ۋاقىتشا. جازدا جەر قۇرعاپ، كوشەنىڭ كەيپى وزگەرىپ شىعا كەلەدى.
شىمكەنتتىكتەر كوشەگە كىمنىڭ ەسىمى بەرىلگەنىن بىلمەيتىن بولىپ شىقتى. "قوعام قايراتكەرلەرىنىڭ ءبىرى بولار" ،- دەيدى تۇرعىندار.
بۇل كوشەنىڭ تاريحى جايلى شىمكەنت قالاسىنىڭ اكىمى عابيدوللا ءابدىراحىموۆ تا بىلمەگەن. قازاقستان پرەزيدەنتى قىزمەتىنە تاعايىندالعان سوڭ، قاسىم-جومارت توقايەۆ ءۇشىنشى مەگاپوليس باسشىسىمەن كەزدەسىپ، شىمكەنتتەگى قالا قۇرىلىسى ماسەلەسىن تالقىلادى. كەزدەسۋ كەزىندە توقايەۆ كوشەسى جايلى دا ءسوز بولدى. شىمكەنت تۇرعىندارى سىندى عابيدوللا ءابدىراحىموۆ تا بۇل كوشەنىڭ كىمنىڭ قۇرمەتىنە اتالعانىن بىلمەيتىن بولىپ شىقتى. الايدا جاڭا پرەزيدەنت مۇنى كوڭىلىنە الماي، كوشەگە اكەسىنىڭ ەسىمى بەرىلگەنىن ايتىپ بەردى.
ۇسىنعان: فاريزا جومارت قىزى
پىكىر قالدىرۋ