كوپ بالالى انالارعا بەرىلەتىن جاردەماقىعا قاتىستى اۋىل-ايماقتا دۇربەلەڭ بولىپ جاتىر ەكەن. ەگەر كوپ بالالى وتباسى زەينەتاقى الاتىن اتا-انالارىمەن، ەنەلەرىمەن تۇراتىن بولسا جانە ولاردىڭ مالدارى بولسا جاردەماقى بەرىلمەيدى ەكەن. ءبارى ەسەپتەلەدى. مەملەكەتتەن تاعايىندالعان كومەكتى الۋ ءۇشىن كوپ بالالى جاس وتباسىلار اتا-ەنەدەن بولەك تۇرۋى ءتيىس.
پارادوكس! قازاقستان قىزىقستانعا اينالىپ بارادى.
اۋىل قارتتارى ازعانتاي عانا زەينەتاقى الادى. بۇل ولاردىڭ ۇزاق جىلعى ەڭبەكتەرىنىڭ وتەۋى. قانشاما جىل مەملەكەتكە قۇيعان سالىقتارى.
ءبىر ۇيدە زەينەتكەرلەرمەن بىرگە تۇرسا نەگە جاردەماقى بەرىلمەيدى؟ زەينەتكەرلەر ءوز اقشالارىن وزدەرىنە جۇمساۋلارى ءتيىس قوي. ءبىزدىڭ قاريالار شەتەلدىك كارى ادامدار سىندى الەم ارالامايدى. ويتكەنى، وعان زەينەتاقى جەتپەيدى. كوپ بالالى وتباسىلار ۇلكەندەرمەن بىرگە تۇرىپ، سول كىسىلەرگە قامقور بولىپ وتىر.
مەنىڭ ەستۋىمشە، كوپتەگەن وتباسىلار كارى اتا-اناسىن جالعىز قالدىرىپ، جاردەماقى الۋ ءۇشىن بولەك شىعۋدا. جالپى، زاڭ بويىنشا جاردەماقى تاعايىنداۋدا نە دەپ جازىلعان؟ كىم بىلەدى؟ مەن بۇنداي جارىلقاۋدى تۇسىنە المادىم. كىم كىمدى جىندى قىلىپ وتىر؟
جالپى، جاردەماقى، زەينەتاقى، جالاقى بۇل ءبىزدىڭ سالىعىمىز ەسەبىنەن تولەنەتىن اقشا. قاراپايىم حالىققا بيلىك باسىنداعىلار قالتالارىنان شىعارىپ، قارجى بەرىپ وتىرعان جوق. كوپ بالالى وتباسىلارعا جاردەماقى بەرۋ ءۇشىن زەينەتاقىنى، مالدى ساناۋدى كىم شىعاردى؟ بۇل قاي جەردە جازىلعان؟ الدە جەرگىلىكتى بيلىك ويىنا كەلگەنىن ىستەپ وتىر ما؟
ويلانا كەلە سىزدەردىڭ پىكىرلەرىڭىزدى بىلگىم كەلدى.
جانار بايسەمىزوۆانىڭ Instagram پاراقشاسىنان
پىكىر قالدىرۋ