الماتى قالاسىنىڭ اكىمى باۋىرجان بايبەك قوعامدىق كەڭەستىڭ جيىلىسى بارىسىندا «كوك-جايلاۋعا» قاتىستى پىكىرىن ءبىلدىردى دەپ حابارلايدى Qamshy.kz اقپارات اگەنتتىگى تengrinews.kz   سايتىنا سىلتەمە جاساي وتىرىپ.

"تاۋ — ءبىزدىڭ ۇلكەن مۇمكىندىگىمىز. اۋستريالىق مامانداردىڭ ايتۋىنشا، تاۋ تۋريزمىنە 1،5 ملرد دوللار قۇيىلسا، 7-10 جىلدا ءوز اقشاسىن اقتاپ، جىل سايىن 2 ملرد دوللار پايدا تابا الامىز. بۇل ۇلكەن جوبا ارقىلى 20 مىڭ جۇمىس ورنىن اشۋعا بولادى. دەگەنمەن، بۇل جوبانى ءالى جەتىلدىرۋ قاجەت.  كۋرورتتىق ايماقتاردى جەتىلدىرۋ ءۇشىن كەم دەگەندە  3-5 جىل ۋاقىت كەتەدى. وسى ۋاقىت ارالىعىندا ءبىرجاما تاجىريبە جيناپ، ساپالى كادرلاردى ىرىكتەيمىز، حالىقتىڭ پىكىرىن بىلەتىن بولامىز. سوندىقتان «كوك-جايلاۋ» كۋرورتىن سالۋدى كەيىنگە قالدىرامىز." دەدى الماتى قالاسىنىڭ اكىمى باۋىرجان بايبەك

جيىن سوڭىندا قوعامدىق كەڭەستىڭ ءتوراعاسى راحمان الشانوۆ «كوك-جايلاۋ» ماسەلەسىن تالقىلاۋعا ۇسىندى. كەڭەس مۇشەلەرىنىڭ بارلىعى دەرلىك قالا اكىمىنىڭ كۋرورتتىق جوبانى ىسكە اسىرۋدى كەيىنگە قالدىرۋ تۋرالى باستاماسىن قولدادى.

ۇسىنعان: فاريزا جومارت قىزى