ءلاززات تانىسباي «قازاقستان» رترك» اق باسقارما ءتورايىمى بولىپ تاعايىندالدى. ۇجىمعا جاڭا باسشىنى اقپارات جانە قوعامدىق دامۋ ءمينيسترى داۋرەن ابايەۆ تانىستىردى دەپ حابارلايدى Qamshy.kz اقپارات اگەنتتىگى.
"بۇگىن «QAZAQSTAN» رترك» اق ۇجىمىنا جاڭا باسشى – ءلاززات تانىسبايدى تانىستىردىم.
ءلاززات مۇرات قىزى بەلگىلى جۋرناليست، تەليەۆيزيا سالاسىنىڭ بىلىكتى مامانى ءارى تابىستى توپ-مەنەدجەر ەكەنىن وزدەرىڭىز دە جاقسى بىلەسىزدەر.
ل. تانىسباي قازىرگى ۋاقىتقا دەيىن قولعا الىنعان ىرگەلى شارالاردى ودان ءارى جالعاستىرىپ، كورپوراسيانى جاڭا دەڭگەيگە كوتەرەدى دەپ سەنەمىن.
ال، بۇعان دەيىن ءتوراعالىق قىزمەتتى ابىرويلى اتقارعان ەرلان تىنىمباي ۇلى قارينگە العىس ايتىپ، جاڭا قىزمەتىندە تابىس تىلەيمىن!" دەپ جازدى مينيستر Facebook-تەگى پاراقشاسىندا.
ءلاززات تانىسباي
الماتى حالىقارالىق جۋرناليستيكا ينستيتۋتىن بىتىرگەن.
ەڭبەك جولىن 1993 جىلى قازاقستان رەسپۋبليكالىق تەلەراديوكورپوراسياسىندا رەداكتور قىزمەتىنەن باستادى، ودان كەيىن رەپورتەر جانە تەلەجۇرگىزۋشى قىزمەتىن اتقاردى. «حابار» اگەنتتىگىنىڭ ىرگەتاسى قالانعان كۇننەن باستاپ (1996 ج.- 2002 جىلعا دەيىن) جاڭالىقتار قىزمەتىنىڭ رەداكتورى – جۇرگىزۋشىسى، اتقارۋشى پروديۋسەرى بولىپ ەڭبەك ەتتى.
2002 جىلى مەملەكەتتىك قىزمەتكە اۋىستى. قازاقستان رەسپۋبليكاسى پرەزيدەنت اكىمشىلىگىنىڭ باسپا ءسوز قىزمەتىندە باس ساراپشى، سەكتور مەڭگەرۋشىسى، باس ينسپەكتور قىزمەتتەرىن اتقاردى.
2005 جىلدىڭ قىركۇيەك ايىنان باستاپ 2008 جىلعا دەيىن – قازاقستان رەسپۋبليكاسى مادەنيەت، اقپارات جانە سپورت مينيسترلىگى، اقپارات جانە مۇراعات كوميتەتى ءتوراعاسىنىڭ ورىنباسارى بولدى.
2008 جىلدىڭ قازانىنان باستاپ 2011 جىلدىڭ قاراشاسىنا دەيىن – «قازاقستان» رەسپۋبليكالىق تەلەراديوكورپوراسياسى» اق باسقارما ءتوراعاسىنىڭ ءبىرىنشى ورىنباسارى قىزمەتىن اتقاردى. 2011 جىلدىڭ 4ء-شى قاراشاسىنان باستاپ – ق ر اقپارات جانە بايلانىس ۆيسە-مينيسترى.
2012 جىلدىڭ اقپانىندا «استانا ق. تەلەديدارى» ءجشس-نىڭ باس ديرەكتورى بولىپ تاعايىندالدى.
ەڭبەك جولىندا ءتۇرلى ماراپاتتارعا يە بولعان - قازاقستان جۋرناليستەر وداعى سىيلىعىنىڭ لاۋرەاتى، «قۇرمەت» وردەنىنىڭ يەگەرى (2010)، قازاقستاننىڭ ەڭبەك سىڭىرگەن قايراتكەرى (2015). ەكى بالانىڭ اناسى. «ناعىز باقىت - وزگەلەردى باقىتتى ەتۋ» دەگەن قاعيدانى ۇستانادى.
ۇسىنعان: گۇلىم جاقان
پىكىر قالدىرۋ