نۇر-سۇلتاننىڭ جولدارىن ارنايى سۋسابىنمەن تازالاۋدا دەپ جازادى Qamshy.kz اقپارات اگەنتتىگى. بۇل تۋرالى ەلوردا اكىمى باقىت سۇلتانوۆ ءوزىنىڭ فەيسبۋك پاراقشاسى ارقىلى مالىمدەدى. 

"قۇرمەتتى قالا تۇرعىندارى! ءقادىرلى استانالىقتار! بۇگىن ەلوردانىڭ جول تازالاۋ قىزمەتىندە جاڭا ءادىستى قولدانۋدى باستادىق. كوممۋنالدىق قىزمەتتەر العاش رەت قالا جولدارىن ارنايى جۋعىش قۇرال – جولدىڭ ۇستىنە ارنالعان سۋسابىنمەن جۋا باستادى. ونى قولدانۋ اسفالتتى تايعاققا قارسى ماتەريالداردىڭ قالدىقتارىنان، ەسكىرگەن جاپقىشتاردان، مۇناي قالدىقتارىنان جانە قىسقى ماۋسىمدا پايدا بولعان ماي داقتارىنان تازارتۋعا ىقپال ەتەدى. قاراپايىم سۋمەن مۇنى تازالاۋ مۇمكىن ەمەس. ال بىزگە جول بەلگىلەرىن سالۋ الدىندا كوشەلەردى مۇقيات جۋۋ وتە ماڭىزدى. 
بۇل ءشامپۋندى كوممۋنالدىق قىزمەتتەردىڭ پايدالانۋى جول ساپاسىن جانە ءبىزدىڭ جۇرگىزۋشىلەرىمىزدىڭ قاۋىپسىزدىگىن جاقسارتۋعا سەپتىگىن تيگىزەدى.
جۋعىش زات ەشقانداي زياندى زاتتاردى بولمەيدى، ويتكەنى جول شامپۋن قورشاعان ورتاعا زيانسىز.
الداعى ۋاقىتتا كوممۋنالدىق قىزمەتتەردىڭ الدىندا كوپتەگەن جۇمىستار بار، كوشەلەر قاجەت بولسا كۇن سايىن تازارتىلاتىن بولادى"، - دەپ جازدى باقىت سۇلتانوۆ. 

ۇسىنعان: اسەل بولات قىزى