كۇنى كەشە شاعىناۋدان تۇرعىندارى جاعىمسىز كورىنىستىڭ كۋاسى بولدى. قوشقار اتا وزەنىندە ءولى بالىقتار سۋ بەتىندە قالقىپ ءجۇردى، دەپ جازادى Qamshy.kz اقپارات اگەنتتىگى otyrar.kz سايتىنىڭ دەرەگىنە سۇيەنىپ.

اساتۋللو يبراگيموۆ، جەرگىلىكتى تۇرعىن: «مەن مۇندا 50 جىلدان استام ۋاقىت مەكەن ەتىپ كەلەمىن. ءبىراق بۇرىن ەشقاشان مۇنداي جاعداي بولعان ەمەس. ءبىز وسى وزەننەن سۋ ىشكەن ەدىك، شومىلاتىنبىز، ءبىراق ءقازىر نە بولعانىن تۇسىنبەيمىن! تاڭ قالىپ وتىرمىن» دەيدى.

قوشقار اتا وزەنىندە بالىقتاردىڭ بىرنەشە ءتۇرى كەزدەسەدى: تورتا، سيرەك كەزدەسەتىن تۇقى جانە ەڭ باعالى كوكباسى جانە باقتاق بار. ءدال قازىرگى ۋاقىتتا ۋىلدىرىق شاشۋ كەزەڭى ەكەنىن ەسكەرسەك، تابيعاتقا قانشا زيان كەلگەنىن ەسەپتەۋ قيىن ەمەس
فارمانوۆ گافۋرجان، جەرگىلىكتى تۇرعىن: «ءولى بالىقتاردىڭ سانىن قاراڭىز. بىرەۋ حيميالىق زاتتىڭ ءبىرىن قۇيعان شىعار. قانداي ۇلكەن بالىق! ەندى ول ءقازىر ۋىلدىرىق شاشاتىن كەزەڭى. ءبىز بۇل وزەننىڭ سۋىمەن باقشامىزدى سۋعارامىز».

كوكباسى بالىعى تازا جانە سالقىن سۋدا عانا تىرشىلىك ەتەدى. بالىقتاردىڭ جاپپاي قىرىلۋىنىڭ سەبەبىن انىقتاۋ ءۇشىن زەرتحانالىق تەكسەرۋگە جىبەرۋگە بالىقتاردى جانە سۋ ۇلگىسىن الدىق.