قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتىڭ بۇگىنگى ۇندەۋى دەر كەزىندە، ءدال ۋاقىتىندا جاسالعان اسا ءماندى شەشىم.
سەبەبى، قازاقستان حالقى وسىناۋ ساياسي شەشىمدى دەگبىرسىزدەنە كۇتۋ ۇستىندە بولاتىن. ىرگەسىن قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان ءابىش ۇلى نازاربايەۆ قالاپ، قازاق ەلىن بۇكىل الەمگە تانىتقان، ماڭگى ەل بولامىز دەگەن تۇجىرىمداماسى بار مەملەكەتىمىزدىڭ تۇتقاسىن بولاشاقتا قانداي تۇلعا ۇستايدى دەگەن ساۋال ءاربىرىمىزدىڭ كوكەيىمىزدە شامشىراقتاي مازداپ تۇرعانى جاسىرىن ەمەس ەدى. ەندى سول ءبىر اياۋلى دا ماڭىزدى ءساتتىڭ قاي كۇنى جۇزەگە اسارىن قاسىم-جومارت كەمەل ۇلى توقايەۆ مىرزا بەلگىلەپ بەردى.
ەندىگى شارۋا – بۇرىنعى بابالارىمىزدان قالعان «بىرلىك بولماي تىرلىك بولماس» دەگەن ۇلى ۇستانىمنىڭ اياسىندا سول اسىل بابالارىمىز ارمانداعان تاۋەلسىزدىگىمىزدىڭ كوك بايراعىن قيسايتىپ الماي ارەكەت ەتىپ، شىن مانىندەگى ۇلى دالانىڭ ۇلاعاتتى ۇلدارىنا لايىق ءبىر جاعادان باس، ءبىر جەڭنەن قول شىعارىپ ىنتىماقتاستىقتىڭ ۇلگىسىن كورسەتۋگە ءتيىسپىز.
ۇلى دالانىڭ ۇلى پەرزەنتتەرىنىڭ ءبىرى زاراتۋشترانىڭ «ىزگى وي ويلا. ىزگى ءسوز سويلە. ىزگى ءىس تىندىر» دەگەن قاعيداتى بار ەدى. بۇگىن ىزگى ويدان تۋىنداعان ىزگى ءسوز سويلەندى. الدا وسى ىزگىلىكتەردى ىسكە اسىرار ۇلكەن ءىس-شارا تۇر.
اللا بارىمىزگە ءبىر تۋدىڭ استىندا جيىلىپ، ءادىل تاڭداۋ جاسار ىمىرا ءناسىپ ەتسىن.
اقىن مارالتاي رايىمبەك ۇلى
پىكىر قالدىرۋ