بۇگىندە حالىقتىڭ باسىم كوپشىلىگى الداعى كۇننىڭ اۋا-رايىنا كوپ جۇگىنەتىنىن بىلەمىز. سوعان وراي كيىنەدى، قاجەتتى ساقتانۋ شارالارىن جاسايدى دەگەندەي...

ال وسى اۋا رايىن بولجاۋ كىمنىڭ ويىنا قالاي جانە قاشان كەلگەنىن بىلەسىز بە؟ باس شايقادىڭىز. ەندەشە ءارى قاراي وقىڭىز.

1859 جىلى كورولدىك فرەگاتتىڭ جوعالۋىنا اكەلىپ سوققان داۋىل فيتسرويعا كۇن رايىن انىقتاۋ ماقساتىنداعى ءتۇرلى دياگراممالاردى جاساۋعا يتەرمەلەيدى. ول ءوز دياگراممالارىن سول ۋاقىتتا-اق «اۋا رايى بولجامى» دەپ اتاعان. بۇل اتاۋ كەيىننەن تەرمينگە اينالىپ كەتتى.

جەردە ورناتىلعان ستانسيالار مەن تەلەگراف باعاندارى ارقىلى حابارلامالار جىلدام تارالىپ، داۋىلداردىڭ الدىن-الۋ شارالارى جۇرگىزىلگەن. اتالمىش ءتاسىل ءبىرشاما ءقاۋىپتىڭ الدىن الۋعا كومەكتەستى.

1861 جىلدان باستاپ، اۋا-رايى بولجامىنىڭ حابارىن تاراتۋ تۇراقتى تۇردە جۇزەگە اسىرىلا باستاعان. ءدال وسى جىلى كۇن سايىنعى «اۋا رايى بولجامى» مالىمەتتەرى The Times جۋرنالىندا جاريالانىپ تۇردى.

ال 1862 جىلى نەگىزگى پورتتاردا ورىن الۋى مۇمكىن داۋىل تۋرالى اقپارات بەرەتىن جۇيە ىسكە قوسىلدى. فيتسروي عىلىم دامۋىنىڭ الدىن وراعان «اۋا رايى كىتابى» اتتى ەڭبەگىن 1863 جىلى جارىققا شىعاردى.

مىنە، سول ۋاقىتتان بەرى اۋا رايى بولجامىمەن ساناسۋ جانە وعان سەنىم ارتۋ مادەنيەتى قالىپتاسىپ، بۇگىندە تۇرمىستىق قاجەتتىلىك دەڭگەيىندەگى اقپاراتقا اينالىپ وتىر.

ادىلەت مادەنيەت