رەسەيدە بويجەتكەن تورداعى ايۋلارعا تاماق بەرەمىن دەپ اۋىر جاراقات الدى، دەپ جازادى Qamshy.kz اقپارات اگەنتتىگى Vesti.ru سايتىنىڭ دەرەگىنە سۇيەنىپ.
وقيعا دۇيسەنبى كۇنى «زەلەنايا» اتتى دەمالىس بازاسىندا ورىن العان.
دەمالىس ساياباعىنىڭ ايماعىندا ەكى ايۋ بار تور ورنالاسقان. دەمالۋعا كەلگەن ەكى قىز ولاردى قولدارىمەن تاماقتاندىرماق بولعان.
الايدا، كەنەتتەن تورداعى ايۋلاردىڭ ءبىرى قىزعا تاپ بەرىپ، قولىنان تىستەپ العان. بويجەتكەننىڭ قولى مەن بەتىن قاتتى جاراقاتتاپ، ونى اۋرۋحاناعا الىپ كەتكەن.
قولدارىنا قاتتى زاقىم كەلگەندىكتەن سول قولىن كەسىپ تاستاۋعا تۋرا كەلىپتى. دارىگەرلەردىڭ ايتۋىنشا، قىزدىڭ جاعدايى اۋىر. قازىرگى تاڭدا تەرگەۋ كوميتەتى بولعان وقيعانىڭ ءمان-جايىن انىقتاۋدا.
ۇسىنعان: نازەركە لابيحان
پىكىر قالدىرۋ