ەلىمىزدە سايلاۋ ناۋقانى باستالىسىمەن نۋمەرولوگ، استرولوگ، ەكستراسەنستەردىڭ جۇمىسى قىزا ءتۇستى. ماماندار  ەلدى بولاشاقتا باسقاراتىن پرەزيدەنتكە ۇمىتكەرلەردىڭ تۋعان كۇندەرىنە قاراپ، كىمنىڭ ايى وڭىنان تۋىپ، كىمنىڭ بۇل لاۋازىمعا قول جەتكىزەتىنىن بولجاۋعا كىرىستى. بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسى دايىنداعان ماتەريالعا سىلتەمە جاساپ حابارلايدى.
 
ەلىمىزدە وتەتىن كەزەكتەن تىس پرەزيدەنتتىك سايلاۋعا ەكى ايدان از ۋاقىت كۇن قالدى. پارتيا وكىلدەرى ساياسي دوداعا قاتىساتىن ءوز ۇمىتكەرلەرىنە تاڭداۋ جاساپ جاتقاندا، كەلەشەكتى بولجايتىن مامانداردىڭ دا جۇمىسى قىزا تۇسكەندەي. ارقاسى بارلاردىڭ ءبىرى اتا-بابالارىمەن بايلانىسقا تۇسسە، وزگەسى وتپەن ءتۇرلى جورامالدار جاساۋدا. ايتقاندارى ءارتۇرلى بولعانىمەن، ءبارى ءبىراۋىزدان بۇل سايلاۋ بۇرىنعىعا قاراعاندا الدەقايدا قىزۋ-تارتىسقا تولى بولادى دەيدى.

"ءوز باسىم پرەزيدەنتتىكە ۇمىتكەر رەتىندە تەك 3 ادامدى كورىپ وتىرمىن"، - ەكستراسەنس ۆيكتور الەكساندروۆسكيي.

ءقازىردىڭ وزىندە الەۋمەتتىك جەلىدە سايلاۋعا ءتۇسۋى مۇمكىن كانديداتتاردىڭ اتى-جوندەرى ايتىلۋدا. ازىرگە بولجامعا سايكەس، ازات پەرۋاشيەۆ، ءالي بەكتايەۆ، ايقىن قوڭىروۆ، جارماقان تۇياقبايەۆ سەكىلدى پاريا سەركەلەرى ماڭىزدى دودادا باقتارىن سىناپ كورەدى. ال، كەيبىر باقسى-بالگەرلەر بولسا ولاردىڭ سايلاۋعا قاتىسا قالعان كۇننىڭ وزىندە جەڭىسكە جەتۋى ەكىتالاي دەيدى. ماسەلەن و دۇنيەلىك بولعان اتا-باباسىمەن ءجيى بايلانىسقا تۇسەتىن توقبەرگەن بايتاسوۆ بۇل  ۇمىتكەرلەردىڭ ەشقايسىسى دارا شاپپايتىنىن ايتادى. ويتكەنى...

"سايلاۋ ۇلكەن دۇربەلەڭمەن وتەدى. تالاس-تارتىس بولادى جانە سايلاۋ ەكى رەت وتەدى. تىلسىم كۇشتەردىڭ ەسكەرتۋى بويىنشا ەكى-ۇش ادامنىڭ مۇمكىندىگى بار. ءبىراق ونى بىزدەر ازىرگە ايتا قويمايمىز. ويتكەنى،  ءالى تولىق ەشكىم ءوزىن ۇسىنىپ، جارىسقا تۇسە قويعان جوق. ءبىراق، بۇلاردىڭ ىشىندە ەل باسقارۋعا لايىق ازاماتتار بار"، - دەدى باقسى توقبەرگەن بايتاسوۆ.

كانديدات بوۋلى ىقتيمال دەگەن جوعارىداعى ازاماتتاردىڭ تۋعان جىلدارىن نۋمەرولوگتارعا كورسەتتىك. ماسەلەن، سەناتور ءالي بەكتايەۆتىڭ نۋمەرولوگياسىندا 4،6 سانى كوپ. "ول ەڭبەكقورلىقتىڭ بەلگىسى" دەيدى ماماندار. دەگەنمەن، ساتتىلىككە جاۋاپ بەرەتىن، 7-8 ساندارى جوق. ول دەگەنىڭىز....

"بۇل ادامنىڭ كودىندا ۇكىمەت جۇمىسىن جاسايتىن، شەنەۋنىكتىڭ كودى بار. پرەزيدەنت بولادى دەگەنگە 100 پايىز ايتا المايمىن. ساندارى ورتاشا"، - نۋمەرولوگ قۇرالاي باقىت قىزى.

ال، ازات پەرۋاشيەۆ پەن ايقىن قوڭىروۆتىڭ مەملەكەتتىك قىزمەتتە ەمەس بيزنەستە ءبىراز جەتىستىككە قول جەتكىزەتىندەرىن ايتادى. سوندىقتان دا سايلاۋعا تۇسۋگە ءالى ەرتەرەك دەيدى. دەگەنمەن، الداعى دودا ەگەر قاتىسا قالعان جاڭدايدا ولار ءۇشىن ءساتتى بولاتىن كورىنەدى. تانىمالدىلىعى ارتادى، تاجىريبە جينايدى. 

"47 جىلعى... 23 قاراشا 47 جىلى دۇنيەگە كەلگەن. بۇل جىل بۇل كىسىگە وتە جاقسى جىل. جۇمىسىن اۋىستىرادى. بۇل كىسى پرەزيدەنت بولعىسى كەلسە وعان ءساتتى. ساتتىلىككە جاۋاپ بەرەتىن ساندارى كوپ بولىپ تۇر"، - دەدى قۇرالاي باقىت قىزى.

وسىلايشا، بولاشاقتى بۇلجىتپاي بولجايدى دەگەن ادامداردىڭ ءوزى الداعى سايلاۋدا كىمنىڭ بابى مەن باعى كەلىسەتىننى ءدوپ باسىپ ايتا المادى. دەگەنمەن، 2019 جىلدىڭ 9 ماۋسىمى ىرىمداپ تاڭدالعان داتا ەكەنىن ايتادى. ياعني، بولجامشىلاردىڭ پىكىرىنشە، جىلدىڭ ەكىنشى جارتىسىندا  ەلىمىزدە  جاڭا سيكل باستالماق. حالىقتىڭ ءال-اۋقاتى جاقسارىپ، ەكونوميكالىق، رۋحاني جەتىستىكتەرگە قول جەتكىزەمىز. 

 ۇسىنعان: گۇلىم جاقان