بايگە ءدۇبرى جاقىنداعان سايىن اۋىزدىعىمەن الىسقان اردا ازاماتتاردىڭ دا ءتۇرلى تاسىلدەگى ناسيحاتى، حالىققا ۇندەۋى كوبەيۋدە.

سولاردىڭ ءبىرى – 1991 جىلى سايلاۋعا قاتىسۋعا ءوتىنىش ءبىلدىرىپ، ارتىنشا تومەنگى مەجەدەگى داۋىستى جيناي الماعانى ءۇشىن قاتىسپاي قالعان ازامات حاسەن قوجا-احمەت.

جاسىنىڭ 75-كە كەلگەنىنە قاراماستان ءوزىن ۇسىنعان قوزعالىستاردىڭ مەسەلىن قايتارماي، سايلاۋدا قايتا ب ا ق سىناۋعا بەل بۋىپ وتىرعان حاسەن قوجا-احمەت حالىقتى ءوزىنىڭ كانديداتۋراسىن قولداۋعا شاقىردى.

ءوزىنىڭ "جەلتوقسان" كوتەرىلىسىنە قاتىسىپ، ءتۇرلى ەڭبەكتەردى جازعانى ءۇشىن سوتتى بولعان ۇمىتكەر ءوز پىكىرىن الەۋمەتتىك جەلىدەگى بەينەماتەريالدا اشىق ءبىلدىرىپ، ءتۇرلى تاراپتىڭ باعىتىنا ءبىرقاتار سىن ايتتى.

"مەن سايلاۋعا قاتىسپايمىن دەپ ۇيدە جاتىر ەدىم. "ازات"، "الاش" جانە "جەلتوقسان" قوزعالىستارىنىڭ مۇشەلەرى ماعان ءۇمىت ارتىپ وتىرعاندارىن ايتىپ، ەمەۋرىن تانىتتى. ەندى قايتا ب ا ق سىناپ كورۋگە بەل بۋدىق. مەنى قولداڭىزدار! قازاقستاننىڭ ىشكى جانە سىرتقى ماسەلەلەرىنىڭ بارلىعىن بىلەمىن. سولاردى بىرگە شەشەيىك! ماعان داۋىس بەرىڭىزدەر!" - دەدى حاسەن قوجا-احمەت.

سونىمەن قاتار، ۇمىتكەرلىكتەن ءۇمىتتى ازامات ءوزىنىڭ كولىگى جوقتىعىن، ءبىر بولمەلى پاتەردە تۇراتىنىن دا جاسىرمادى.

ءوزىن حالىق اراسىنداعى بەلسەندى ءارى كوشباسشى اتقامىنەر رەتىن كورەتىندەردىڭ سەنىمىن اقتاۋعا ۋادە بەرگەن ول جۇرتشىلىقتى بارىنشا سايلاۋعا قاتىسۋعا شاقىردى.