قاۋلى جوباسىندا "2019 جىلعا ارنالعان رەسپۋبليكالىق بيۋدجەتتە شۇعىل شىعىندارعا كوزدەلگەن قازاقستان ۇكىمەتىنىڭ رەزەرۆىنەن 9 404 771 000 تەڭگە قاراجات ءبولىنسىن" دەپ جازىلعان.
قارجىنىڭ 9،3 ميلليارد تەڭگەسى - ورتالىق سايلاۋ كوميسسياسىنا، 56،8 ميلليون تەڭگەسى سىرتقى ىستەر مينيسترلىگىنە بولىنەدى. قاراجاتتىڭ دۇرىس جۇمسالۋىن باقىلاۋدى ۇكىمەت قارجى مينيسترلىگىنە تاپسىرعان.
قۇجات 29 ساۋىرگە دەيىن تالقىلانادى.
بۇعان دەيىن ورتالىق سايلاۋ كوميسسياسى سايلاۋ وتكىزۋگە 12 ميلليارد تەڭگە سۇراعان. ءبىراق كەيىننەن قازاقستان قارجى مينيسترلىگى بۇل قارجىنى قىسقارتتى.
قازاقستان پرەزيدەنتى قاسىم-جومارت توقايەۆ 9 ساۋىردە رەسپۋبليكالىق ارنالار ەفيرىنەن جاساعان مالىمدەمەسىندە قازاقستانداعى كەزەكتەن تىس پرەزيدەنت سايلاۋى 2019 جىلدىڭ 9 ماۋسىمىندا وتەتىن ايتقان.
10 ساۋىردە ورتالىق سايلاۋ كوميسسياسى كانديداتتاردى ۇسىنۋ 28 ساۋىردە اياقتالاتىنىن جاريالادى.
قازاقستاندا 30 جىلعا جۋىق بيلىك قۇرعان نازاربايەۆ 19 ناۋرىزدا كەنەتتەن پرەزيدەنت قىزمەتىنەن كەتەتىنىن جاريالاعان. ول مالىمدەمەسىندە سايلاۋ وتكەنشە قاسىم-جومارت توقايەۆ پرەزيدەنت بولاتىنىن ايتقان. توقايەۆ 20 ناۋرىزدا انت بەرىپ، قىزمەتىنە كىرىسكەن.
ۇسىنعان: نازەركە لابيحان
