پاريجدەگى تاريحى تەرەڭنەن باستالاتىن، ەڭ كوركەم عيماراتتاردىڭ ءبىرى – نوتر-دام سوبورى ورتكە وراندى دەپ جازادى Qamshy.kz اقپارات اگەنتتىگى جەرگىلىكتى باق-تىڭ مالىمەتىنە سۇيەنىپ.

كۋاگەرلەر تۇسىرگەن ۆيدەودا عيماراتتىڭ جالىنعا ورانىپ، بۇرقىراعان ءتۇتىن كورىنەدى.

پاريج مەرى انن يدالگو ءوزىنىڭ Twitter جەلىسىندەگى پاراقشاسىندا اتالمىش وقيعاعا بايلانىستى جازبا جاريالاپ، وقيعا ورنىندا قاۋىپسىزدىك شارالارىن قاتاڭ ساقتاۋعا شاقىردى.

ال فرانسيا پرەزيدەنتى ءوز كەزەگىندە، "فرانسيا ەلىنىڭ تاريحى ورتكە وراندى" دەپ اتادى. 

"بارلىق فرانسۋزداردىڭ نازارىنا... پاريج مەرى وقيعا ورنىندا ءجۇر. ءورت باستالعان ساتتەن فرانسيا تۇرعىندارى قانداي كۇيدە بولعانىن جاقسى تۇسىنەمىن. سەبەبى، نوتر-دام – ءبىزدىڭ تاريحىمىز، ءبىزدىڭ ادەبيەتىمىز، ءبىزدىڭ ەڭ قۇندى عيماراتىمىز بولدى. بۇل عيمارات قانشاما عاسىردىڭ، قانشاما وقيعانىڭ كۋاسى بولدى.

سالتاناتتى تۇردە جاريا ەتەمىن: بۇگىن كەشكە دەيىن بۇل سوبوردى قالپىنا كەلتىرەمىز. بۇعان ەش كۇمان بولماسىن، سەبەبى بۇل بۇتىندەي ءبىر ەلدىڭ تاريحى" - دەپ ايتتى فرانسيا پرەزيدەنتى.

ۇسىنعان: نازەركە لابيحان