پاريج قالاسىنداعى قۇداي-انا عيباداتحاناسىنىڭ ورنىنا مەشىت سالىنۋى مۇمكىن دەپ حابارلايدى Qamshy.kz اقپارات اگەنتتىگى.
فرانسيا استاناسىنىڭ اكىمدىگى پاريجدەگى قۇداي-انا عيباداتحاناسىندا بولعان ورتكە قاتىستى مالىمدەمە جاسادى. ەگەر ءدىني نىسان قالىپقا كەلمەيتىندەي دارەجەدە ورتەنگەن بولسا، ونىڭ ورنىنا مەشىت سالىنۋى مۇمكىن دەپ حابارلادى بيلىك باسىنداعىلار.
مالىمدەمەدە جاڭا نىسان پاريجدەگى حريستياندار مەن مۇسىلماندار اراسىنداعى "بايلانىستى نىعايتۋعا" سەبەپ بولىپ، "كونفەسسيا اراسىنداعى قاتەلىكتى تۇزەۋگە" ازداپ بولسا دا كومەگى تيەدى دەلىنگەن. بۇگىندە قالادا شىركەۋ سانى مەشىتكە قاراعاندا بىرنەشە ەسە كوپ.
«پاريج اكىمدىگىنىڭ 2024 جىلعا دايىنداعان مەشىت سالۋعا قاتىستى باس جوسپارى جاعدايدى ءبىرشاما جاقسارتادى. حريستيان شىركەۋلەرىنىڭ، وعان قوسا، باسقا ءدىني اعىمداردى قوسقاندا، مەشىتتەن باسقا ءدىني نىسانداردىڭ سانى ءبارىبىر تىم كوپ. بۇل جاعدايدى قۇدايدىڭ ەسكەرتۋى، ادىلدىكتى ورناتۋعا بەرىلگەن كەرەمەت مۇمكىندىك دەپ باعالاۋعا بولادى.
پاريج قۇداي-انا عيباداتحاناسىنىڭ ورنىنا سالىناتىن مەشىت بۇرىنعى ەسكى نىسانعا قاراعاندا كولەمدى، كوزتارتارلىق بولۋى ابدەن مۇمكىن. تۋريزم تۋرالى ايتار بولساق، مەشىت كوپتەگەن ساياحاتشىلاردىڭ نازارىن اۋداراتىنىنا سەنىمدىمىن»، — دەدى اكىمدىكتىڭ باسپا ءسوز حاتشىسى ۋمار ال-حاليل.
بۇل مالىمدەمە تىم وڭشىل فرانسۋز ساياساتكەرلەرىنىڭ سىنىنا قالدى. كەيبىرەۋى بۇل جايتتى ەگجەي-تەگجەي تەكسەرۋدى ۇسىندى. سەبەبى، جوعارىداعى مالىمدەمە ورتتەن كەيىن ءبىر ساعاتتان سوڭ جاريالانعان.
ءبىراق سوعان قاراماستان، فرانسيا مادەنيەت مينيسترلىگى پاريج اكىمدىگىنىڭ مالىمدەمەسىن قولداپ، جاقىندا جاڭا نىسانعا لايىقتى جوبا بايقاۋىنا قاتىستى شەشىم قابىلدايتىنىن ايتتى.
ۇسىنعان: ماقپال سەمباي
پىكىر قالدىرۋ