التىنبەك قورازبايەۆ «دوس-مۇقاسان» توبىنىڭ ءانشىسى مۇرات قۇسايىنوۆتىڭ «ەيراستانامەن» تۋىنداعان وقيعاسىنا قاتىستى ءوز پىكىرىن ءبىلدىردى، دەپ حابارلادى ق ر سپورت جانە مادەنيەت مينيسترلىگىنىڭ باسپا ءسوز قىزمەتى Qamshy.kz اقپارات اگەنتتىگىنە.

«مەن مۇراتپەن 40 جىلدان بەرى دوسپىن، ارىپتەسپىن. تالاي اڭىزعا اينالعان كونسەرتتەردى بىرگە جاسادىق. «دوس-مۇقاسان»  ەلدەگى اڭىز توپ، ال مۇرات – اڭىز ادام. اتىراۋدا وسى توپقا ارناپ ەسكەرتكىش ورناتىپ قۇرمەتتەپ جاتىر، قاي وڭىرگە بارمايىن، ۇنەمى تورىنە شىعارىپ سىيلايدى. وسىنداي قۇرمەتتى سىيلى ادام بىرەۋدى ۇرىپتى، بىرەۋمەن كەلىسپەي قالىپتى دەگەنگە سەنگىم كەلمەيدى. قانداي جاعداي بولماسىن، مەن مۇراتتى قولدايمىن. سەبەبى ءقازىر كىشكەنە تۇسىنىسپەۋشىلىك تۋىنداپ قالسا بولدى، ونەر ادامدارىن قارالاۋعا دايىن تۇرادى. مۇرات زامانداسىم بىرەۋدى ورىنسىز رەنجىتىپ قوياتىن ادامداردىڭ قاتارىنان ەمەس. سوندىقتان حالقىمدى قانداي جاعداي بولماسىن كەشىرىممەن قاراۋعا، ەل اسا باعالايتىن مۇنداي ازاماتتاردى قۇرمەتتەۋگە شاقىرامىن»، - دەدى قازاقستاندىق كومپوزيتور، ءانشى، قازاقستان حالىق ءارتىسى، مەملەكەتتىك سىيلىقتىڭ يەگەرى التىنبەك قورازبايەۆ.

ۇسىنعان: نازەركە لابيحان