شەشەنستان رەسپۋبليكاسىنىڭ پرەزيدەنتى رامزان كادىروۆتىڭ العاشقى نەمەرەسى دۇنيەگە كەلدى. بۇل تۋرالى مەملەكەت باسشىسى الەۋمەتتىك جەلىدەگى پاراقشالارىندا جاريالاعان دەپ حابارلايدى Qamshy.kz اقپارات اگەنتتىگى.

"مەنىڭ قىمباتتى نەمەرەم، مەنىڭ ءتۇرپال-اليىم، سەن ءالى تىم كىشكەنتايسىڭ. ءبىراق، سەنى بىزگە سىيلاعان جاراتۋشى، سەنىڭ ءالى بەكىپ ۇلگەرمەگەن موينىڭا ۇلكەن جاۋاپكەرشىلىك جۇكتەدى. بىرىنشىدەن، ساعان يسلام ءداۋىرىنىڭ ۇلى جاۋىنگەرى يمام ءاليدىڭ اتىن بەردىك، ەكىنشىدەن، سەنىڭ اكەڭ پايعامبارىمىزدىڭ اعاسى حامزانىڭ ەسىمىن ارقالاپ ءجۇر جانە ۇشىنشىدەن، سەن شەشەن حالقىنىڭ ۇمىتىلماس قۇتقارۋشىسى احمات-قاجىنىڭ شوبەرەسىسىڭ. مىنە، بالاقاي، وزىڭە قانداي جاۋاپكەرشىلىك ارتىلعانىن كوردىڭ بە؟" - دەگەن جازبا ارقىلى شەشەن ليدەرى "ۆكونتاكتەدەگى" پاراقشاسىندا قۋانىشىمەن ءبولىستى.

ەستەرىڭىزگە سالا كەتسەك، رامزان كادىروۆتىڭ 10 بالاسى بار، كەنجەسى – ابدۋللاح – 2016 جىلى دۇنيەگە كەلگەن بولاتىن.

ۇسىنعان: داۋرەن سىبانباي