«رالف ينتەرنەتكە قارسى»/«رالف پروتيۆ ينتەرنەتا» Blu-ray ديسكىلەرىنە شىعارىلدى دەپ جازادى Qamshy.kz اقپارات اگەنتتىگى. بۇل قازاق تىلىنە دۋبلياجدانعان 26-شى كارتينا بولدى. قازاقستانداعى پرەمەراسى 2018 جىلى، قاراشا ايىنىڭ 22ء-شى جۇلدىزىندا ءوتتى. Disney ستۋدياسىمەن شىعارىلعان.

ەستەرىڭىزگە سالا كەتەيىك، باستى رولدەگى «ۆانيلوپا ۆون كەكس» كەيىپكەرىن دىبىستاۋعا قازاقستاندىق 8 اكتريسا، «شەنك» رولىنە  — 5 جانە «يەسس» رولىنە — 3  اكتريسا  سىنالىپ كوردى. ەرلەر پارتياسىنا كاستينگكە: «رالف» — 6 جانە «سپاملي» — 10 اكتەر قاتىستى. فيلمگە قازاقستاننىڭ ءتورت قالاسىنان: استانا، الماتى، ورال جانە قاراعاندىدان شامامەن 50 ادام قاتىستى. سونداي-اق كارتيناعا ءقازۇوۋ ستۋدەنتتەرى جانە «بالاپان» تەلەارناسىنىڭ جاس اكتەرلەرى سىننان ءوتتى.

ناتيجەسىندە Disney ستۋدياسى دۋبلياجدىڭ نەگىزگى داۋىستارىن بەكىتتى:  جانىبەك مۇسايەۆ («رالف»)، ينابات ابەنوۆا («ۆانيلوپا فون كەكس»)، ولجاس جاقىپبەك («ماستەر فەليكس»)، التىناي نوگەربەك («سەرجانت كالحۋن»)، ايمان ەسەن قىزى («يەسس»)، سايا توقمانعالييەۆا («شەنك»).

«رالف ينتەرنەتكە قارسى» كارتيناسىنىڭ دىبىستاۋىندا رەجيسسەر شاح-مۇرات وردابايەۆ، اۋدارماشى اسەل مامىروۆا، ءماتىن وڭدەۋشىلەرى گۇلجان ساۋىرتايەۆا جانە شاح-مۇرات وردابايەۆ جۇمىس اتقاردى.

جوبا «بولاشاق» كورپوراتيۆتىك قورىنىڭ باستاماسىمەن جۇزەگە اسىرىلدى.

سەرىكتەستەر: «مەلومان» كومپانياسى، «Aray Media Group». دۋبلياج دەمەۋشىسى: «Bazis Construction» ج ش س (بازيس-ا).

ۇسىنعان: اسەل بولات قىزى