رەسەيدىڭ سىرتقى بارلاۋ قىزمەتىنىڭ بۇرىنعى باسشىسى ۆياچەسلاۆ ترۋبنيكوۆ ادامزات بالاسىنا ءتونىپ كەلە جاتقان ەڭ ۇلكەن ءقاۋىپ ەكوگولوگيالىق پروبلەمالارمەن بايلانىستى ەكەنىن ايتتى دەپ حابارلايدى Qamshy.kz اقپارات اگەنتتىگى. ول بۇل تۋرالى ريا نوۆوستي سايتىنا بەرگەن سۇحباتىندا ايتقان بولاتىن.

ترۋبنيكوۆتىڭ سوزىنشە، جەر بەتىندەگى وركەنيەتتەردىڭ جويىلىپ كەتۋىنە يادرولىق قارۋلاردىڭ ەمەس، ەكولوگيالىق اپاتتاردىڭ  ءقاۋپى جوعارى. سەبەبى، يادرولىق قارۋلاردان كەلەتىن زارداپتاردى ادام ءوز قولىمەن زالالسىزداندىرۋعا مۇمكىندىگى بار. ال، ەكولوگيالىق اپاتتاردىڭ الدىندا قاۋقارسىز.

"ەگەر ءبىز تەك بۇگىنگى تونگەن قاۋىپ-قاتەرلەردەن قورقا بەرەتىن بولساق، ءبىز ادامزاتتىڭ جويىلىپ كەتۋىنە الىپ كەلەتىن ەڭ ۇلكەن ءقاۋىپتى ەلەۋسىز قالدىرامىز. قورشاعان ورتا ادام ءومىر سۇرۋىنە مۇلدەم قولايسىز دەڭگەيگە جەتۋى مۇمكىن. بۇل مەنىڭ بارلاۋشى رەتىندەگى پىكىرىم"،- دەپ اعىنان جارىلدى ترۋبنيكوۆ.

ەستەرىڭىزگە سالا كەتسەك، ۆياچەسلاۆ ترۋبنيكوۆ 1996-2000 جىلدار ارالىعىندا رەسەيدىڭ سىرتقى بارلاۋ قىزمەتىنىڭ باسشىسى، كەيىننەن ديپلوماتيالىق سالادا رەسەيدىڭ ءۇندىستانداعى توتەنشە جانە وكىلەتتى ەلشىسى قىزمەتتەرىن اتقارعان.

اۋدارعان: داۋرەن سىبانباي