رامازان ايىنىڭ قارساڭىندا تانىمال ءانشى گاۋحار الىمبەكوۆا ءوزىن سوتقا بەرگەن قۇربىسى باقىت نازاروۆادان كەشىرىم سۇرادى دەپ جازادى Qamshy.kz اقپارات اگەنتتىگى. قوس قۇربى "پەندەمىز عوي" باعدارلاماسىنا قوناق رەتىندە قاتىستى.
باعدارلاما بارىسىندا گاۋحار الىمبەكوۆا "مەن كىنالى ەمەسپىن. ءبىراق حالىق ايتسا قالىپ ايتپايدى دەگەن بار عوي. سول سەبەپتى مەن حالىقتىڭ الدىندا سىزدەن كەشىرىم سۇرايمىن"، - دەدى.
ال ونىڭ قۇربىسى باقىت نازاروۆا بولسا "مەن پايعامبار ەمەسپىن. مەندە دە قاتەلىك بار شىعار. سەن دە مەنى كەشىر"، - دەپ ەكى قۇربى قۇشاقتاسىپ، تاتۋلاستى.
ەسكە سالايىق، ەلىمىزگە تانىمال اندەردىڭ اۆتورى، ءانشى گاۋحار الىمبەكوۆا 2019 جىلدىڭ 30 قاڭتارىندا الاياقتىق ءۇشىن 6 جىلعا باس بوستاندىعىنان ايرىلعان بولاتىن. كوپ ۇزاماي، ءانشى سوت شەشىمى كۇشىنە ەنگەنشە قولحاتپەن بوساتىلعان. كەيىنىرەك ءانشىنىڭ ادۆوكاتى جۇماعالي زينەلوۆ ءىستىڭ ءمان-جايىن ايتىپ بەرگەن ەدى. ادۆوكات سوت ۇكىمىمەن كەلىسپەيتىنىن جانە تاياۋ ارادا اپەللياسيالىق سوتقا ارىز تۇسىرەتىنىن مالىمدەگەن.
ۇسىنعان: اسەل بولات قىزى
پىكىر قالدىرۋ