تانىمال قىتايشى كونستانتين سىروەجكين تۇتقىندالدى دەپ جازادى Qamshy.kz اقپارات اگەنتتىگى centrasia.org سايتىنىڭ دەرەگىن نەگىزگە الىپ.

"قازاقستانداعى ارنايى جاساقتىڭ كومەگىمەن تانىمال پوليتولوگ ك.ل سىروەجكين ۇستالدى. ول بىرنەشە جىل بويى قازاقستانداعى قىتايدى زەرتتەپ جۇرگەن جەتەكشى مامان رەتىندە سانالىپ كەلگەن ەدى. سونداي-اق كونستانتين سىروەجكين دوكتورلىق ديسسەرتاسياسىن جازعان توقايەۆقا عىلىمي كەڭەسشى بولعان. تەكسەرىس بارىسىندا، سىروەجكين تىڭشى دەگەن كۇدىكپەن ۇستالدى"، - دەلىنگەن حابارلامادا. 

ايتا كەتسەك، توقايەۆ 2001 جىلى ماسكەۋ قالاسى رەسەيدىڭ ديپلوماتيالىق اكادەمياسىنىڭ وزەكتى جانە حالىقارالىق پروبلەمالارى ينستيتۋتىندا دوكتورلىق ديسسەرتاسياسىن قورعادى. 

سىروەجكين كىم؟

1956 جىلى 19 ماۋسىمدا الماتى قالاسىندا تۋعان. اكەسى - سىروەجكين ليەۆ اندرەيەۆيچ، زەينەتكەر، «قازاق سەلدەن قورعاۋ» ايماقتىق بولىمشەسىنىڭ باس ينجەنەرى بولعان.

«قحر-داعى جۇمىسشى تابىنىڭ ساياسي رەلى (1949-1957 جىلدارى): قالىپتاسۋ ماسەلەلەرى» (1992)، «قىتايداعى قازاقتار: الەۋمەتتىك-ەكونوميكالىق جانە مادەني دامۋ وچەركتەرى» (1994)، «قحر-داعى ەتنيكاارالىق قاتىناستاردى جۇيەلى رەتتەۋ: تەوريا جانە تاجىريبە» (1997)، «قازىرگى زاماندىق سينسزيان جانە ونىڭ قازاقستان-قىتاي قاتىناستارىندا الاتىن ورىنى» (1997)، «قكپ ۇلتتىق ساياساتى تۇجىرىمداماسىنىڭ قالىپتاسۋ ەۆوليۋسياسى جانە نەگىزگى مازمۇنى» (1998)، «قحر-داعى ۇلتتىق-مەملەكەتتىك قۇرىلىس: تەوريا جانە تاجىريبە» (1998)، «قىتايداعى ەتنيكالىق سەپاراتيزمنىڭ اڭىزى مەن شىندىعى جانە ورتالىق ازيا قاۋىپسىزدىگى» (2003)، «قازىرگىزاماندىق جۇڭگو ماسەلەلەرى جانە ورتالىق ازيا قاۋىپسىزدىگى» (2006)، «جۇڭگو: اسكەري قاۋىپسىزدىك» (2008)، «قازاقستان-قىتاي: شەكارالاس ىنتىماقتاستىقتان نىسانالاس سەرىكتەستىككە» (ءۇش كىتاپتا، 2010) كىتاپتارىنىڭ؛ 500-دەن استام عىلىمي ماقالانىڭ اۆتورى.

اۋدارعان: اسەل بولات قىزى