ورال قالاسىنىڭ ورتالىق الاڭىنداعى اباي ەسكەرتكىشىنىڭ الدىندا 24 جاسار اسلان ساعۋتدينوۆتى  قولىنا جازباسى جوق تازا پلاكات ۇستاپ شىققانى ءۇشىن پوليسيا قىزمەتكەرلەرى ۇستاپ الىپ كەتتى دەپ حابارلايدى Qamshy.kz اقپارات اگەنتتىگى uralskweek.kz سايتىنىڭ دەرەكتەرىن نەگىزگە الا وتىرىپ.

سونىمەن قاتار، پوليسيا قىزمەتكەرلەرى اباي الاڭىنا قولىنا تازا پلاكات ۇستاپ شىققان 24 جاسار اسلان ساعۋتدينوۆتى اباي پوليسيا ۋچاسكەسىنە جەتكىزىلگەن كەيىن بوساتىپ جىبەرگەن.

وسى ارەكەتى ارقىلى ول قازاقستاندا ازاماتتاردىڭ قۇقىقتارى مەن بوستاندىقتارىنىڭ ساقتالماعانىن كورسەتكىسى كەلگەن.  اسلاننىڭ ايتۋىنشا، پوليسەيلەر جارتى ساعاتتاي پلاكاتقا بىردەڭە جازۋىن ءوتىنىپتى.

– پوليسەيلەر اكىمشىلىك حاتتامانى راسىمدەۋ ءۇشىن مەنى پلاكاتقا بىردەڭە جازۋدى سۇرادى. مەن باس تارتتىم، مەنى تۇسىنىكتەمە الىپ، ۇيگە جىبەردىم، — دەيدى بەلسەندى.

ول جۋرناليستەرگە ايتقان سوزىندە: «مەن پيكەتكە قاتىسپايتىن قاراپايىم ازامات ەكەنىمدى كورسەتكىم كەلدى. ۇرانداماي-اق جانە پلاكاتتا ەشقانداي جازۋلار بولماسا دا، مەنى پوليسيا بولىمىنە الىپ كەتتى. مەنىڭ اتىم اسلان ساعۋتدينوۆ، جانە مەن تاريحي ەركىن قازاقستان حالقىنىڭ قازىرگى كۇنگى ەركىندىگى ءۇشىن...»، – دەدى.

ۇسىنعان: مارجان سابەت